MARKA 9:41 - Pathien Lekhabu Inthieng (BSI)

⁴¹ Tûkhawm Krista mi in ni leia tuisik no khat dâwn ding pe taphawthai cheu chu, titakzetin ka hril cheu, an lâwmman ding chu inhmang ta naw tawp a tih.

MARKA 9:41 ပူးပေါင်းရင်းမြစ်များ

MATTHAI 10:42

Chun, tukhawm hieng mi chîntak laia pakhat kuoma hin, tirko a ni leia tuisik no khat chau khawm pe taphawt chun, titakzetin ka hril cheu hi, a lâwmman chu chân naw tawp a tih,” a ta.

MATTHAI 25:40

Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”

MARKA 4:10

Chun, fienriela a um laiin a kuoma sâwm le pahnihai le um mi danghai chun tekhithuhai chu an indawn fel a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:15

I thil fâk leia i unau lungril a na chun, hmangai dân kawng chu i hraw ta nâw a nih. A thi ai Kristain a thipêk chu i thil fâkin sukbo naw rawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:9

Chuongchun, Pathien Thlarau chu nangniah a chêng takzet a ni chun, tisaa um ni lovin, Thlaraua um in ni lem. Tukhawm Krista Thlarau nei naw chu ama mi a ni nawh.

1 KORINTH 15:23

Nisienlakhawm, mâni hun seng peiah, keitho ning an tih: ahmasa takin Krista, tho hmathuoitu; chu hnungah, a hung phaleh Ama tahai po.

1 KORINTH 3:23

Nangni khawm Krista ta in na, Krista khawm chu Pathien ta a nih.

2 KORINTH 10:7

In mithmua thil umhai chu a nih in en hlak chu. Tûkhawmin Krista ta nia ân ring chun, hi hi mâkhâtin ngaituo nâwk raw se; ama chu Krista ta a ni ang bawkin keini khawm kan ni ve hi.

GALATI 3:29

Chun, Krista ta in ni chun, Abraham thla, thutiem anga rohluotu dinghai in nih.

GALATI 5:24

Chun, Krista Isu mihai chun tisa chu a suol ngaituona le a châknahai pumin an hemde tah.