MARKA 9:25 - Pathien Lekhabu Inthieng (BSI)

²⁵ Chun, Isûn mipui an hung tlân khâwm chu a hmuin khawhri inthieng naw chu a hal a, a kuomah, “Nang thlarau ṭawng thei naw le nasêt, thu ka pêk che hi, a sûnga inthawk hung suok la, lût nâwk ta naw rawh,” a ta.

MARKA 9:25 ပူးပေါင်းရင်းမြစ်များ

ZEKARIA 3:2

Lalpa chun Setan kuoma chun, “Aw Setan, Lalpa chun a kâwk che hi! Anih, Lalpa Jerusalem thlangtu chun a kâwk che a nih! hi hi meia inthawka a kâng lai lâk suok a ni naw am a nih?” a ta.

MATTHAI 12:22

Chu lai chun, mitdel ṭawngtheinaw khawhri iman pakhat a kuomah an hung ṭhuoi a; chun, ama chun a lo sukdam a, chuongchun, ṭawngtheinaw chu a hung ṭawng theiin, a hung hmu thei ta a.

MATTHAI 17:18

Chun, Isûn khawhri chu a hal a, a sûnga inthawk chun a suok ta a; chu dâr chena inthawk chu naupang chu a hung dam ta a.

MARKA 9:15

Chun, mipui po po chun ama an hmu phing chun mak an ti hle a, a kuom tieng an tlân tâwl a, chibai an va bûk a.

MARKA 9:24

Chuongchun, naupang pa chun, “Ka awi, ka awinawnaa hin mi ṭhangpui rawh,” tîn a khêk suok nghâl ta a.

MARKA 9:26

Chuongchun, a khêk suok a, nasataka a sawisak zo chun a hung suok ta a, chun, naupang chu thi ang elin a um a, chuongchun, mi tam lem chun, “A thi a nih,” an ti a.

LUKA 11:14

Chun, Isûn khawhri ṭawngtheinaw pakhat a hnawt dawk a. Chun, khawhri chu a suok phingleh ṭawngtheinaw chu a ṭawng ta a; chuongchun, mipuihaiin mak an ti hle a.

LUKA 4:35

Chun, Isûn a hal a, “To la, a sûnga inthawkin hung suok rawh,” a ta. Chun, khawhri chun a laiah a sukthlûk zet a, sukna lovin a sûnga inthawk chu a hung suok ta a.

LUKA 4:41

Chun, khawhrihai khawm, “Pathien Naupa i nih,” tia khêkin, mi tamtak sûnga inthawkin an hung suok a. Chun, anni a hal a, Krista a nih ti an hriet leiin an ṭawng a phal naw a.

LUKA 8:29

(Isûn khawhri inthieng naw chu, chu mipa sûnga inthawka suok dingin thu a lo pêk ta si a. Chu mipa chu khawhri chun a man rawp hlak a nih; mihaiin khaidiet le kawl an inbuntir hlak a, an vêng zing hlak a; nisienlakhawm, a khuopnahai chu a suktan a, khawhri chun thlalêrahai a hnawt suok hlak).

LUKA 9:42

Chun, a hung laiin, khawhri chun a sukthlûk rak a, nasatakin a sawisa ta a. Nisienlakhawm, Isûn khawhri inthieng naw chu a hal a, naupang chu a sukdam a, a pa kuoma chun ân fetir nâwk ta a.

THILTHAWHAI 16:18

Chuong ang chun, ni sâwt rei a thaw hlak a. Chuongchun, Paula chu a lungni ta naw a, a ngha a, khawhri kuoma chun, “Isu Krista hmingin a sûnga inthawkin suok thu ka pêk che,” a ta. Chun, chu lai tak chun a suok nghâl ta a.

JUDA 1:9

Nisienlakhawm, Mikael, vântirko chunghnungtak hman khan, Diebol le an inbeia a, Mosie ruong thua an insêl laiin, Diebol chungthu rêl pêkin a hrilsiet ngam naw a, “Lalpân hal lem raw se che,” a ti ta lem a.