MARKA 8:13 - Pathien Lekhabu Inthieng (BSI)

¹³ Chun, anni chu a mâksan a, râl khing tieng a fe ta a.

MARKA 8:13 ပူးပေါင်းရင်းမြစ်များ

INPÂKNA HLABU 81:12

Chuongchun, an lungril kâwmaw ang peia um dingin ka thlathlam a, Anni remruot anga an umna dingin.

JEREMIA 23:33

Hi mihai laia pakhatin amanih, zâwlneiin amanih, thiempuin amanih, “Lalpa rikphur chu ieng am a na?” ti an indawn che chun, an kuoma chun, “Nangni hi phurrik chu in nih, ka peihâwn ding cheu a nih, Lalpa chun a tih,” tiin hril rawh.

HOSEA 4:17

Ephraim chun milim ân zawmpui ta a; A um umin um raw se.

HOSEA 9:12

An nauhai hung sukpuitling hai sien khawm, pasal hrim um lo dingin, Insûntir tho tho ka tih; Anih, anni ka nghatsan pha chun, An chung a va rik zuol âwm de!

MATTHAI 15:14

Anni chu pawisa naw ro; ṭhuoitu mitdel an nih. Chuongchun, mitdelin mitdel ma a ṭhuoi chun khurah tla rêl an tih,” a ta, a dawn a.

MATTHAI 7:6

“Ui kuoma dâm thil inthieng chu pe naw ro; vawk hmaa dâm in lunghlu pei bawk naw ro; chîl se hlau rawi an ta; ngha lêtin phirthlêr rawi an ti cheu.”

MARKA 8:12

Chun, ama chu a lungrilah nasatakin ân rûm a, “Iengdinga tulaia ruoltharhai hin inchikna an zawng am a na? Titakzetin ka hril cheu, tulai ruoltharhai kuoma hin inchikna hrim hrim pêk ni naw ni,” a ta.

MARKA 8:14

Chun, a închûktirhai chun bei an chawi theinghil a, bei phêk khat chau naw chu lawnga chun bei dang hrim hrim an nei si naw a.

LUKA 8:37

Chun, a vêl Gerasin mihai rama mi po po chun an ṭi ta bêk bêk leiin, ama chu an kuoma inthawka fe hmang dingin an ngên a; chun, lawngah a chuong a, a kîr nâwk ta a.

JOHAN 12:36

Var in nei sûng hin var hi ring ro, var nauhai in hung ni theina dingin,” a ta. Chuong thu chu Isûn a hril a, chun, a fe a, an hmu naw dingin ân bihmang a.

JOHAN 8:21

Chun, ama chun an kuomah, “Ka fe hmang ding a ni hi, nangnîn mi zawng in ta, in suol nei zingin thîng in tih; ka fena dingah hung thei naw ti niu,” a ti nâwk a.

THILTHAWHAI 18:6

Paulân a puon a thin a, an kuomah, “In thina maw chu nangnîn phur ro, kei chu ka hul a nih, tuta chen chu Jentailhai lai fe tâng ka tih,” a ta.

THILTHAWHAI 27:2

Augusta pâwla mi sipai za hotu Julia an inkawltir a. Adramuttium khaw lawngi Asia ram tuipui panga khaw umhai sir dingin kan chuong a, tuipuiah kan fe ta a; Makedonia rama mi Aristarka, Thessalonikaa mi kan kuomah a um a.