MARKA 8:11 - Pathien Lekhabu Inthieng (BSI)

¹¹ Chun, Pharisaihai an hung a, ama fiena dingin amaa vâna inthawka inchikna zawngin ama chu an sêl ta a.

MARKA 8:11 ပူးပေါင်းရင်းမြစ်များ

FESUOKNA 17:2

Chuleiin, mipui chun Mosie an insêlpui a, “Tui dâwn ding mi pe rawh,” an ti a. Mosie chun an kuomah, “Iengdinga kei in min sêlpui am a na? Iengdinga Lalpa chu in fie am a na?” a ti a.

FESUOKNA 17:7

Chun, Israel mihai helna leiin le “Lalpa hi eini lai a um am a ni, a um naw?” tia, Lalpa an infiena lei chun, chu hmun hminga chun Massa le Meriba ân bûk ta a.

MALAKI 3:15

Tuhin mi chapohai chu hamṭha ei ti a ni hi: anih, khawhlona thawtuhai chu tungding an na; anih, Pathien an fie a, sansuok khawm an ni hi,’ in ti a,” tiin.

MATTHAI 12:38

Chu lai chun, Dân inchûktirtuhai le Pharisaihai laia tuhaiin amanih an dawn a, a kuomah, “Inchûktirtu, i kuoma inthawkin inchikna hmu kan nuom,” an ta.

MATTHAI 19:3

Chun, Pharisaihai a kuomah an hung a, ama fie dingin, “Ieng lei khawmin mîn a nuhmei a mâk a thieng am?” an ta.

MATTHAI 21:23

Chun, Pathien biekina a lût hnunga ân chûktir lai chun, thiempu lalhai le vântlâng upahai chu a kuomah an hung a, “Tu thuin am hieng thil hi i thaw a? Tuin am thu a pêk che a?” an ta.

MATTHAI 22:15

Chu lai chun, Pharisaihai chun a thu hrila an man theina zie ding an vân râwn a,

MATTHAI 22:18

Nisienlakhawm, Isûn an suolzie chu a lo hriet a, “Vervêkhai, ieng dinga in mi fie?

MATTHAI 22:23

Chu ni ma chun, Saddukaihai, thonâwkna a um nawh tituhai chu a kuomah an hung a,

MARKA 12:15

Ama ruok chun an vervêkziehai chu hre zingin, an kuomah, “Iengdinga in mi fie am a na? Duli hung la tu, lo en ka tih,” a ta.

MARKA 2:16

Chun, Pharisaihai laia Dân inchûktirtuhaiin Isûn mi suol le siedâwltuhai a awtpui an hmuin, a închûktirhai kuoma chun, “Iengtiziea siedâwltuhai lai a fâkin a dâwn am a na?” an ta.

MARKA 9:16

Chun, ama chun an kuomah, “Annihai rawi leh ieng thu am a na in insêl?” tîn ân dawn a.

LUKA 10:25

Chun, ngai ta, dân hretu tû amanih a ngîr a, ama infiena dingin, “Inchûktirtu, chatuona hringna neina dingin ieng am ka thaw ding?” a ta.

LUKA 11:16

Chun, a ṭhenin ama fiena dingin vâna inthawkin inchikna an hni a.

JOHAN 4:48

Isûn a kuomah, “Inchiknahai le thilmakhai in hmu naw chun ring tawp naw ti niu,” a ta.

JOHAN 6:30

Anni chun a kuomah, “Inchikna ieng am thâwng i ta, kan hmua kan ring theina ding chein? Thil ieng am thâwng i ta?

JOHAN 7:48

Hotuhai le Pharisaihai laia mi hrim hrim ama ring an um ta am a nih?

JOHAN 8:6

Chu thu chu ama fiena dingin an thaw a nih, a hêkna ding an hmu theina dingin. Chuongchun, Isu a kûn a, a kutpârin hnuoi a ziek a.

THILTHAWHAI 5:9

Chun, Peterin a kuomah, “Iengdinga Lalpa Thlarau infiena dinga in inthuruol am? Ngai ta, i pasal phûmtuhai kepha chu kawtkhâr bulah a hung um tah, nang khawm zâwn dawk an ti che,” a ta.

1 KORINTH 10:9

Anni laia mi ṭhenkhatin Lalpa an fie a, rûla sukbohmanga an um pha ang khan Lalpa chu fie nâwng ei tiu.

DÂN PAHNINA 6:16

“Massaa in fie ang khan Lalpa in Pathien chu in fie ding a ni nawh.