MARKA 7:34 - Pathien Lekhabu Inthieng (BSI)

³⁴ Chun, vân tieng nghain ân thuok huoi a, a kuomah, “Ephatha,” a ta. Chu chu, “Lo inhawng rawh,” tina a nih.

MARKA 7:34 ပူးပေါင်းရင်းမြစ်များ

FESUOKNA 2:23

Chuong ni tamtak sûng chun Aigupta lal chu a thi ta a. Israel mihai chu an intângna lei chun an thuok a dawng hle a, Pathien an ko a, an intângna leia ama an kona chun Pathien kuom a tlung ta a.

ISAI 53:3

Ama chu mihriemhai hmusit le dit nawin a um a; lungngainahai nei mi le natna hre mi a na, mihaiin an hmai an hipsan ang ang chun ama chu hmusitin a um a, eini hlak chun ama chu ei ngaisâng si nawh.

MARKA 1:41

Ama chun a lo lunginsiet bêk bêk a; a hei ban a, a them a, “Ka nuom ie, sukthiengin lo um ta rawh,” a ta.

MARKA 15:34

Chun, zânbu suong phâ chun Isu chu râwl inringtakin, “Eloi, Eloi, lama sabakthani?” tiin a khêk suok a. (Chu chu “Ka Pathien, ka Pathien, iengdinga i mi mâksan?” tina a nih).

MARKA 5:41

Chun, naupang kut chu a chel a, a kuoma chun,“Talitha kumi,” a ta. Chu chu, “Bawinu tho rawh ka ti che,” tina a nih.

MARKA 6:41

Chun, ama chun bei panga le ngatê pahni chu a lâk a, vân tieng nghain mal a sâwm a, beiphêkhai chu a khawi a, mipui chu infâktir dingin a inchûktirhai kuomah a pêk a, ngate pahni khawm chu mi po po lai chun a sem a.

MARKA 7:35

Chuongchun, a nahai chu a hung inhawng a, a lei khitna khawm chu a hung insût a, chiengtakin a ṭawng thei ta a.

MARKA 8:12

Chun, ama chu a lungrilah nasatakin ân rûm a, “Iengdinga tulaia ruoltharhai hin inchikna an zawng am a na? Titakzetin ka hril cheu, tulai ruoltharhai kuoma hin inchikna hrim hrim pêk ni naw ni,” a ta.

LUKA 18:42

Chun, Isûn a kuomah, “Hmu thei ta raw khai, i ringna hi i dampui a nih,” a ta.

LUKA 19:41

Chun, a tlung ding ṭepin, khuo chu a hmu a, a ṭap ngha a,

LUKA 7:14

Chun, a va hnai a, hlâng chu a them a; chuongchun, a zâwntuhai chu an ngîr a. Chun, “Tlangvâl, tho rawh ka ti che hi,” a ta.

JOHAN 11:33

Isu chun Mari ṭap le a hung zuitu Judahai ṭap chu a hmuin, a lungrilin ân rûm a, a lungngai a.

JOHAN 11:35

Isu a ṭap ta a.

JOHAN 11:38

Chun, Isu chu a lungrilin ân rûm nâwk a, thlân chu a tlung ta a. Chu thlân chu pûk a na, a kawtkhâra chun lung pakhat a um a.

JOHAN 11:41

Chuongchun, lung chu an dawm tâwl a. Chun, Isu a dâk a, “Pa, ka thu i ngai leiin i chungah ka lâwm ie.

JOHAN 11:43

Chun, chuonga a ṭawng zo phingleh râwl inringtakin, “Lazar, hung suok rawh,” a ta, a khêk a.

JOHAN 17:1

Chuong thu chu Isûn a hril a; chun vântieng nghain, “Pa, a hun a tlung tah; i Naupa chawimawi rawh, Naupa hin a chawimawina ding chein;

THILTHAWHAI 9:34

Chun, Peter chun a kuomah, “Ainia, Isu Krista chun a sukdam che; tho la i puonpha ziel rawh,” a ta. Chuongchun, a tho nghâl ta a.

THILTHAWHAI 9:40

Nisienlakhawm, Peter chun an rêngin ân suoktir vawng a, a dingṭhaṭhuon a, a ṭawngṭai ta a; chun, ruong tieng chu a ngha a, “Tabitha, tho rawh,” a ta. Chuongchun, a mit a hung meng a, Peter chu a hmu phingleh a ṭhung ta a.

HEBRAIHAI 4:15

Thiempu Laltak ei hrâtnawnahai mi hrietpui phâk lo nei ei ni si naw a. Eini anga kawng tinrênga thlêmna tuok tah, suol ruok chu suol lo nei ei ni lem.