MARKA 7:14 - Pathien Lekhabu Inthieng (BSI)

¹⁴ Chun, mipui chu a ko nâwk a, an kuomah, “In rêngin ka thu hi lo ngâi seng unla, a ngâi lo thiem ta u;

MARKA 7:14 ပူးပေါင်းရင်းမြစ်များ

1 LALHAI 18:21

Chun, Elija chun mipuihai po po chu a va hnai a, “Lung âwpinkaiin ieng chen am in um ding a na? Lalpa chu Pathien a ni chun, ama chu zui unla; chun, Baal chu a ni chun ama chu zui ro,” a ta. Mipuihai chun bau khat khawmin an dawn nawh.

1 LALHAI 22:28

Chun, Mikaia chun, “Lungmuongtaka i hung nâwk tâk leh, Lalpain kei mi hmang hin thu a hril naw nîng a tih,” a ta. Chun, ama ma chun, “Nangni mipuihai, in rêngin lo hre seng ro,” a ta.

INPÂKNA HLABU 94:8

Mi laia mi ngawnghai ngaituo ro, Mi invêthai, iengtik am var in ti aw!

THUVARHAI 8:5

Aw nang mi mâwl, varna hung hrethiem ta la, Chun, nangni invêthai, hrietthiemna lungril hung nei ro.

ISAI 6:9

Chuongchun, kei chun, “Kei hitaka hin ka um, mi tir ta la,” ka ti a. Chun, ama chun, “Fe la, hi chihai hi hril rawh, ‘Na chun a hriet chu hre unla, a ngaina ruok chu hre naw ro; a hmu chu hmu unla, a hriet chu hre naw ro,’ tiin.

JEREMIA 25:2

chu chu zâwlnei Jeremia chun Juda mipui po po le Jerusalem hluotuhai po po kuoma chun a hril a,

MATTHAI 15:10

Chun, mipui chu a ko a, an kuomah, “Ngai unla, a ngai lo thiem ro;

MARKA 7:13

in thurosie peksâwng hin Pathien thu chu in baw hmang hlak a nih; chuong ang chu tamtak in thaw hlak,” a ta.

MARKA 7:15

Mihriem puotienga inthawka a phîng sûnga lût ama sukthieng naw thei iengkhawm a um nawh, mihriem phîng sûnga inthawka hung suokhai chu mihriem sukthieng nawtu an ni lem a nih,” a ta.

LUKA 12:1

Chu sûnga mipui sâng tamtak insir nuk nuk khawp hiel an hung inkhâwm chun, Isûn a hmasatakin a închûktirhai kuomah, “Pharisaihai chawl, vervêknaa inthawk chun fîmkhur ro.

THILTHAWHAI 8:30

Chun, Philip chu mitillâk kuoma chun a va tlân a, zâwlnei Isai lekhabu a tiem a hriet a, “I tiem kha a umzie i hriet am?” a ta.