MARKA 6:48 - Pathien Lekhabu Inthieng (BSI)

⁴⁸ Chun, an lawng kar chu an lung a zîng hlein a hmu a, thliin a ni naw tieng panga a mût leiin. Vârṭien ding lai vêlin dil chunga kea lâwnin anni tieng a hung pan a, anni chu fe khêl a tum a.

MARKA 6:48 ပူးပေါင်းရင်းမြစ်များ

INṬANNA 19:2

chun, “Puhai, lunginsiettakin in siehlaw ina hin lût phawt unla, riek unla, in kehai sâwp ro khai: chun, inhmatakin tho in ta, fe nâwk de ti niu,” a ti a. Anni chun, “Ni lo e, khawlaiah riek lem kan tih,” an ti a.

INṬANNA 32:26

Chun, mi chun, “Mîn thla rawh, khawfing khawm a chat ding a ni ta hi,” a ti a. Jakob chun, “Mal i mi sâwm naw chun inthla naw ning che,” a ti a.

JOB LEKHABU (THE BOOK OF JOB) 9:8

Ama chun vânhai chu a keiphar a; Tuisuoriet fâwnhai chungah kal a chawi a.

INPÂKNA HLABU 104:3

Nang chun i pindan chunghnung kalkhanghai chu tuiahai khin i khang a, Sûmhai khi i tawlailîrah i siem a; Thli thla chungahai chun i lêng a.

INPÂKNA HLABU 93:4

Tui tamtakhai râwl nêkin, Tuisuoriet fâwn hrâttakhai nêk khawmin, Chungtienga Lalpa chu a hrât a nih.

FESUOKNA 14:24

Zîngtieng vêng hunah Lalpa chun Aigupta sipai ruol chu mei ngîr le sûma chun a zuk en a, Aigupta sipai ruol chu a sukbuoi ta a.

ISAI 54:11

Aw nang sukrimsik, tuifâwn vawr vawra um, lungmuongna nei lo, ngai ta, i lunghai chu zie mawitakhaiin rem ka ta, i lungphûmhai chu sapphir lunghaiin rem bawk ka tih.

MATTHAI 14:24

Lawng ruok chu dîl lailung takah a um ta a; thliin annaw tieng a mût leiin tuifâwnin a vawr ta a.

MATTHAI 24:43

Nisienlakhawm, hi hi hre ro, inru a hung ding pha in neituin hre sienla vêng a ta, a in inverpawptir naw ni.

MARKA 13:35

Chuongchun, inring zingin um ro, in neitupa hung ding phâ chu zântienga manih, zâna manih, ârkhuona manih, zîngkara mani ding in hriet si naw a;

MARKA 6:47

Chun, zântieng inhnu deu a hung ni chun lawng chu dîl lai taka chun a lo um a, ama chu a khât chauin khawmuola chun a um a.

MARKA 6:49

Nisienlakhawm, anni chun ama chu dîl chunga kea lâwn an hang hmu chun thlâ amani an sâwn a, an khêk ta rak el a; an rêngin ama an hmu a, an thlaphâng hle a.

LUKA 12:38

Zân rila manih, tho phain amanih a hung a, chuong anga a hung hmu chun, chuong suokhai chu hamṭhâng an tih.

LUKA 24:28

Chun, an fena ding khuo chu an hung hnai ta a; chun, ama chu hla deua fe tum angin a um a.

JOHAN 1:13

Chuong mihai chu thisena nei an ni naw a, tisa dit zâwnga nei an ni bawk naw a, pasal dit zâwnga nei khawm an ni naw a, Pathien inei an ni lem.

1 SAMUEL 11:11

Chun, a zînga chun Saula chun mipuihai chu pâwl thumin a siem a; zîng vêng hun lai takin an riekhmuna chun an lût a. Ammon mihai chu sûn nisa sat vânglai tak chenin an that a; an that mahlahai chu an indar vawng a, pahnia um hmunkhat hrim hrim khawm an um dêr naw a.