MARKA 6:46 - Pathien Lekhabu Inthieng (BSI)

⁴⁶ Chun, anni ân ṭintir hnung chun ṭawngṭai dingin tlangah a fe ta a.

MARKA 6:46 ပူးပေါင်းရင်းမြစ်များ

MATTHAI 14:23

Chun, mipuihai chu ân ṭîntir hnungin ṭawngṭai dingin tlânga chun a tumin a hang fe a; chun, zântieng a hung ni chun ama chauin chutaka chun a um ta a.

MATTHAI 6:6

Nang ruok chun i ṭawngṭaiin, i pindan sûng rilah lût la, i kawt khâr la, i Pa arûka um kuoma chun ṭawngṭai rawh; chuongchun, i Pa arûka hmutu che chun thung a ti che.

MARKA 1:35

Chun, zîngkâr inhmatakin, khawvar hma daiin a tho a, a suok a, hmun fienrielah a va fe a, chutaka chun a ṭawngṭai a.

MARKA 6:47

Chun, zântieng inhnu deu a hung ni chun lawng chu dîl lai taka chun a lo um a, ama chu a khât chauin khawmuola chun a um a.

LUKA 6:12

Chun, chuong lai chun a suok a, ṭawngṭai dingin tlângah a fe a, Pathien kuomah zânkhuon a ṭawngṭai a.

THILTHAWHAI 18:18

Chun, chu hnunga chun, Paula chu ni sâwttak a la châm zing a; chu zoa chun, unauhai chu ṭawngbauṭhain a ṭhe a, chutaka inthawk chu Suria ram tieng lawngin a fe ta a, a kuomah Priskilla le Akuila chu an fe ve bawk a; Paulain thutiem a nei leiin Kenkrieiah a lu a vâw zet a.

THILTHAWHAI 18:21

“Pathienin a phal chun, in kuomah la hung nâwk ka tih,” tiin ṭawngbauṭhain a ṭhe a; Ephesia inthawk chu lawngin a fe ta a.

2 KORINTH 2:13

ka unaupa Tita ka hmu naw leiin ka thlarau tieng chun muongna hrim hrim ka nei chuong naw a; chuongchun, anni chu bau ṭhain ka ṭhe a, Makedonia ramah ka fe ta a.

1 PETER 2:21

Krista khawm khan a tuorpêk cheu leiin hieng ang hi thaw dinga ko in nih in sawnnaw; a kehnunga in zuina dingin enkhi ding a mâksan pêk cheu kha.