MARKA 6:34 - Pathien Lekhabu Inthieng (BSI)

³⁴ Chuongchun, ama chu a hung suok chun, mipui nasatak a hmu a, vêngtu nei naw berâmhai ang an ni leiin a lunginsiet bêk bêk a; thu tamtak ân chûktir ta a.

MARKA 6:34 ပူးပေါင်းရင်းမြစ်များ

1 LALHAI 22:17

Chun, ama chun, “Israelhai po po vêngtu neilo berâm angin tlânga an indar vawng ka hmu a, Lalpain, ‘Hienghai hin hotu an nei ta naw a, mi tin mâni in tieng seng lungmuongtakin fe diel el ta raw hai se,’ a ti a nih,” a ta.

2 CHANCHIN SUINA 18:16

Ama chun, “Israel mihai po po chu, berâm a vêngtu boa, an invâk hmang angin tlângahai chun indarin ka hmu a; chun, Lalpa chun, ‘Hienghai hin vêngtu an nei naw a, mi tin chu mâni in sengah thlamuongtakin inkîrtir seng ro,’ a tih,” tiin.

ISAI 13:14

Chun, sakhi hnawt zêk ang le, berâm tukhawm ikhal khâwm lo angin mi tinin mâni chipuihai tieng seng nghâng an ta, mi tin mâni ram tieng seng tlân hmang an tih.

JEREMIA 50:6

“Ka mihai chu berâm inhmanghai an lo ni ta a, an vêngtuhai chun anni chu tlângahai chun inherhmangtirin, an ṭhuoi hmang a; tlânga inthawkin muola dâm chun an fe a, an riekna hmun chu an theinghil ta a.

EZEKIEL 34:5

Anni chu berâmpu an um naw leiin an indar a; rama sahai po po ta ding chun bu an na, sukdarin an um ta a.

ZEKARIA 10:2

Milim chun teplo mei mei a hril a, a lo dawngtuhai khawm chun khêl thu chu an hmu si a; manga mangtuhai khawm chun khêl mei mei an mang a, a thlâwn elin an insukthlamuong a nih; chuleiin, berâm angin anni lampui chu an hraw a, sukrimsikin an um hlak, berâmpu a um naw leiin.

NAMBAR 27:17

Lalpa mi pungkhâwmhai chu vêngtu nei lo berâm anga an um nawna dingin an hmaa suok le lût a, anni ṭhuoi suoka ṭhuoi lûttu dingin,” tiin.

MATTHAI 14:14

Chuongchun, ama chu vapanga a suok chun, mipui nasatak a hmu a; a lunginsiet bêk bêk a, an damnawhai a sukdam a,

MATTHAI 15:32

Chun, Isûn a inchûktirhai chu a ko a, “Mipuihai hi tuhin ka kuomah ni thum an um ta a, fâk ding iengkhawm an nei naw leiin ka lungsiet bêk bêk a nih; bu ngheiin kân fetir nuom nawh ie, chuong naw chun lam kârah châu rawi an tih,” a ta.

MATTHAI 9:36

Chuongchun, mipuihai chu a hmuin, vêngtu nei naw berâmhai anga rinum le indara an um leiin, a lunginsiet ta bêk bêk el a.

MARKA 6:33

Chun, an va fe lai chu mipuihai chun an hmu a, mi tamtakin anni chu an hriet a, khaw tina inthawkin chu hmuna chun kein an tlân khâwm a, an lo lekhal ta a.

MARKA 6:35

Chun, khuo chu a hung inhnu ta hle a, a inchûktirhai chu a kuomah an hung a, “Ahi thlalêr hmun a na, khuo khawm ân hnu ta bawk nghâl a.

MARKA 8:1

Chuong lai chun mipui tamtak an hung um nâwk a, chuonga fâk ding iengkhawm an nei naw lai chun, ama chun a închûktirhai chu a ko a, an kuomah,

MARKA 8:2

“Tûn mipuihai hi ka kuomah ni thum an um ta a, fâk ding iengkhawm an nei naw leiin ka lunginsiet bêk bêk a nih.

LUKA 9:11

Nisienlakhawm, mipuihai chun an hriet a, an zui pei a; chun, ama chun anni chu a lo lâwm a, Pathien ram thu a hril a, sukdam ngaihai chu a sukdam a.

HEBRAIHAI 2:17

Chuongchun, mihai ta dingin suol thuphachawina siempêk dingin, Pathien tieng thilhaia chun, Thiempu Laltak, mi lâinatthei le ringum tak a ni theina dingin, iengkima a unauhai anga hung um chu a ṭûl hrim a nih.

HEBRAIHAI 4:15

Thiempu Laltak ei hrâtnawnahai mi hrietpui phâk lo nei ei ni si naw a. Eini anga kawng tinrênga thlêmna tuok tah, suol ruok chu suol lo nei ei ni lem.