MARKA 5:42 - Pathien Lekhabu Inthieng (BSI)

⁴² Chun, naupangnu chu a hung tho a, a fe thei nghâl ta a; ama chu kum sâwmpahni mi a ni hrim ta a. Chun, anni chun namênin mak an ti naw a.

MARKA 5:42 ပူးပေါင်းရင်းမြစ်များ

MARKA 1:27

Chun, an rêngin mak an ti ta bêk bêk a, chuongchun, “Ahi ieng am a ni ta leh, inchûktirna thar a ni hi tên! Khawhri inthieng naw khawm thuneitakin thu a pêk a, a thu an awi pei el hi,” tiin an insêl a.

MARKA 4:41

Chuongchun, an ṭi ta bêk bêk a, “Hi mipa hi tu am a ni lie? thli le dîl chen khawmin a thu an awi hi,” an inti tâwl a.

MARKA 5:41

Chun, naupang kut chu a chel a, a kuoma chun,“Talitha kumi,” a ta. Chu chu, “Bawinu tho rawh ka ti che,” tina a nih.

MARKA 5:43

Chun, amân an kuomah, “Hi hi tukhawmin hre naw raw hai se,” a ti tlat a, chun fâk ding pêk ding thu a pêk ta a.

MARKA 6:51

Chun, lawnga chun an kuomah a hang chuong ve a, thli hrang chu a ma ta a; chuongchun, an lungril chun mak an ti hle a,

MARKA 7:37

“Ama chun iengkim ṭhatakin a thaw a; nasêt dâm a sukvarpêk a, ṭawng thei naw dâm khawm ân ṭawngtir hlak,” an ta, mak an ti nasa bêk bêk a.