MARKA 5:36 - Pathien Lekhabu Inthieng (BSI)

³⁶ Isu ruok chun, an thu hril chu ngaisak lovin inkhâwmna in hotu kuoma chun, “Ṭi naw, awi el rawh,” a ta.

MARKA 5:36 ပူးပေါင်းရင်းမြစ်များ

2 CHANCHIN SUINA 20:20

Chun, zîngkâr inhmatakin an tho a, Tekoa thlalêra chun an hang fe a, chun, chuonga an fe suok lai chun Jehosaphat chu a ngîr a, “Aw Juda le Jerusalema chêngtuhai, mi lo ngai ta u; Lalpa in Pathien chu ring unla, chuongchun, sukdetin um in tih; a zâwlneihai chu ring unla, chuongchun, hlawtling in tih,” a ta.

MATTHAI 17:20

Ama chun an kuomah, “In ringna tlâwm leiin. Titakzetin ka hril cheu hi, anṭam mu mal khat ang ringna in nei chun, hi tlâng kuoma hin, ‘Hitaka inthawkin saw taka sawn vân sawn rawh,’ tîng in ta, insawn el a tih; in ta dingin thaw thei naw hrim hrim iengkhawm um naw ni.

MATTHAI 9:18

Chuong thu chu an kuoma a hril lai takin, ngai ta,hotu pakhat a hung a, chibai a bûk a, “Ka naunu tu el khan a thi a; nisienlakhawm, hung la, a chungah kut innghat la dam nâwk a tih,” a ta.

MARKA 5:22

Chun, inkhâwmna hotuhai laia mi pakhat, a hming Jaira chu a hung a, Isu a hmu phingleh a ke bulah a bawkkhup a,

MARKA 5:34

Chun, ama chun a kuomah, “Ka naunu, i ringna hi i dampui a nih, lungmuongtakin fe la, i natna chu lo dam sawng ta raw se,” a ta.

MARKA 9:23

Chun, Isûn, a kuomah “ ‘I thei chun’ i ti maw? Awitu ta ding chun iengkim thaw thei a nih i sawnnaw,” a ta.

LUKA 8:50

Isu ruok chun chu thu chu a hriet chun, “Ṭi naw rawh, ring el rawh, chuongchun, dam nâwk a tih,” a ta, a dawn a.

JOHAN 11:40

Isûn a kuomah, “I ring chun Pathien ropuizie hmûng i tih, ka ti naw che am a nih?” a ta.