MARKA 5:34 - Pathien Lekhabu Inthieng (BSI)

³⁴ Chun, ama chun a kuomah, “Ka naunu, i ringna hi i dampui a nih, lungmuongtakin fe la, i natna chu lo dam sawng ta raw se,” a ta.

MARKA 5:34 ပူးပေါင်းရင်းမြစ်များ

2 LALHAI 5:19

Chun, ama chun a kuomah, “Lungmuongtakin fe rawh,” a ta. Chuongchun, a kuoma inthawk chu a suok nâwk a, ieng chen amani chu a fe hman ta a.

THUHRILTU 9:7

Fe la, i bei chu hlimin fa la, i uoin chu lungril hlimin dâwn rawh; Pathien chun i sinthawhai chu a pawm ta si a.

LEVI DÂN 14:48

“Chun, thiempu chu a lût a, a hang en vêl a, in chu phâwk ṭhat a ni hnunga hri chu a lo indar lien naw chun, in chu ân thieng a nih ti thiempu chun a puong ding a nih, hri chu ân kieng ta leiin.

MATTHAI 9:2

Chun, ngai ta, zeng pakhat khuma zâl pumin a kuomah an hung zâwn a. Isûn an ringzie a hmuin, zeng kuoma chun, “Ka nau, lungmuongtakin um rawh; i suolhai ngaidam a ni tah,” a ta.

MATTHAI 9:22

Chun, Isu a ngha a, ama chu a hmu a, “Ka naunu, lungmuongtakin um rawh, i ringna hi i dampui a nih,” a ta. Chuongchun, nuhmei chu chu dâr chena chun a hung dam ta a.

MARKA 10:52

Chun, Isûn, “Fe ta rawh, i ringna hi i dampui a nih,” a ta. Chuongchun, a hmu thei nghâl ta a, lampuia chun Isu a zui ta a.

MARKA 3:10

Mi tamtak a sukdam nghâl ta a; chuongchun, natna nei po po chun ama an them theina dingin an bûm tul tul a.

MARKA 5:29

Chuongchun, kârlovin a thipût chu a hung bo nghâl ta a, a natna chu sukdam a ni tah ti a taksa chun ân hriet ta a.

MARKA 5:33

Chuongchun, nuhmei chun a chunga Isu thil thawzie chu hrein ṭi le inthin pumin a hung a, a hmaah a bawkkhup a, a kuomah thu indiktakin a hril vawng ta a.

LUKA 17:19

Chun, a kuomah, “Tho la, fe rawh, i ringna hi i dampui a ni hi,” a ta.

LUKA 18:42

Chun, Isûn a kuomah, “Hmu thei ta raw khai, i ringna hi i dampui a nih,” a ta.

LUKA 7:50

Chun, ama chun nuhmei kuoma chun, “I ringna hi sandam I ni pha a nih, thlamuongtakin fe rawh,” a ta.

LUKA 8:48

Chun, ama chun a kuomah, “Ka naunu, i ringna hi i dampui a nih, thlamuongtakin fe rawh,” a ta.

THILTHAWHAI 14:9

Ama chun, Paula thu hril a ngai a, chun, Paula chun, ama chu a en zing a, damna dingin ringna a nei ti a hriet a,

THILTHAWHAI 15:33

Chun, chutaka chun sâwt rei an um hnungin, anni hung tirtuhai kuomah kîr nâwk dingin unauhai chun thlamuongtakin an infetir nâwk ta a,

THILTHAWHAI 16:36

Chun, intângna in vêngtu chun, Paula kuomah an thu a hril a, “Rorêltuhai chun insuo ding cheuin mi an hung tir a; chuleiin, tuhin hung suok unla, thlamuongtakin fe ro,” a ta.

JAKOB 2:16

chun, nangni laia tûin amanih an kuomah, “Thlamuongtakin fe unla, lumtak le khawptakin um ro,” ti unla, taksa ta dinga thil ṭûl chu in pêk si naw chun ieng am ṭhahnem a ta?

1 SAMUEL 1:17

Eli chun, “Lungmuongtakin fe raw khai, Israelhai Pathien chun i thil hni chu pe raw se che,” a ti a, a dawn a.

1 SAMUEL 20:42

Chun, Jonathan chun David kuomah, “Lungmuongtakin fe raw khai, ‘Lalpa chu nang le ei inkâra le ka thlahai le i thlahai kâra chun kumkhuoin um raw se,’ tiin Lalpa hmingin ṭawng ei inkhâm hmunkhat ta kha,” a ta. Chuongchun, a tho a, a fe ta a, chun, Jonathan chu khuoa chun a lût ta a.