MARKA 5:22 - Pathien Lekhabu Inthieng (BSI)

²² Chun, inkhâwmna hotuhai laia mi pakhat, a hming Jaira chu a hung a, Isu a hmu phingleh a ke bulah a bawkkhup a,

MARKA 5:22 ပူးပေါင်းရင်းမြစ်များ

MATTHAI 2:11

In sûngah an va lût a, a nu Mari kuoma nautê chu an hmu a, an bawkkhup a, chibai an bûk a. Chun, an ro bâwmhai an hawng a, a kuomah lâwmna rângkachak dâm, beraw dâm, murra dâm an pêk a.

MARKA 5:33

Chuongchun, nuhmei chun a chunga Isu thil thawzie chu hrein ṭi le inthin pumin a hung a, a hmaah a bawkkhup a, a kuomah thu indiktakin a hril vawng ta a.

MARKA 5:38

Chun, inkhâwmna in hotu in chu an va tlung a, Isu chun an lo buoi mur mur le, an lo ṭap veng vung a, an khêk tuor tuor chu a va hmu a.

LUKA 13:14

Chun, Isûn Châwlniin mi a sukdam leiin inkhâwmna in hotu chu a lunginsen a, mipui chu a biek a, an kuomah, “Mihriem sinthawna ding ni ruk a um annâwm; chu sûng chun hung unla, insukdam ro; Châwlnia hung lovin,” a ta.

LUKA 5:8

Chun, Simon Peterin chu chu a hmu chun, Isu khûp bulah a bawkkhup a, “Lalpa, mi fe san rawh, mi suol ka ni hi,” a ta.

LUKA 8:28

Chun, Isu a hmu phingleh a khêk a, a hmaah a bawkkhup a, râwl inringtakin, “Isu, Pathien Achunghnungtak Naupa, kei le nang ieng am ei inzâwlna a um a? mi sawisa lul naw rawh, ka ngên che,” a ta.

THILTHAWHAI 13:15

Chun, Dân Lekhabu le Zâwlneihai lekhabu tiem zoin inkhâwmna hotuhaiin an kuomah mi an tir a, “Unauhai, mihai infuina thu ieng amanih in nei chun hril ro,” an ta.

THILTHAWHAI 18:17

Chun, Grik mihai po poin inkhâwmna in hotu Sosthen an man a, rorêlna ṭhungpha hmaa chun an vuok a. Gallio chun chuong an thilthaw chu ienga khawm a ngai nawh.

THILTHAWHAI 18:8

Chun, Krispa, inkhâwmna hotu chun, a sûnghai po po leh Lalpa an ring a, Korinth khuoa mi tamtak khawmin an hriet a, an ring a, baptisma an chang ta a.

THUPUONGSUO 22:8

Kei Johan hieng thil po po hmutu le hretu chu ka nih. Chun, ka hrieta ka hmu chun hieng thil mîn entirtu vântirko ke bulah Pathien chibai bûka bûk dingin ka bawkkhup a.