MARKA 5:17 - Pathien Lekhabu Inthieng (BSI)

¹⁷ Chun, chuonghai chun Isu chu an rama inthawka suok dingin an ngên ta a.

MARKA 5:17 ပူးပေါင်းရင်းမြစ်များ

INṬANNA 26:16

Chun, Abimelekin Isak kuomah, “Keini nêkin i hrât lem si a, kan kuoma inthawk hin fe hmang dai rawh,” a ti a.

1 LALHAI 17:18

Chun, ama chun Elija kuomah, “Aw nang Pathien mi, nang le kei hi ieng am ei ni leh? Ka suolna inhrietsuoktir ding le ka naupa mi thatpêk dinga hung i ni hi tie!” a ta.

MATTHAI 8:34

Chun, ngai ta, akhuoin Isu tuok dingin an hung suok a; chun ama an hmu phingleh an rama inthawka suok dingin an ngên ta a.

MARKA 1:24

ama chun, “Nazareth Isu, keini le nang ieng am ei inzâwlna a um a? Mi sukbohmang dingin i hung am a nih? Nang ka hriet che, Pathien mi inthieng i nih,” tiin a khêk suok nghâl ta a.

MARKA 5:7

Chun, râwl inringtaka khêkin, “Isu, Pathien Chunghnungtak Naupa, kei le nang ieng am ei inzâwlna a um a? Mi sawisa naw hrâm dingin Pathien hmingin ka ngên ṭal che a nih,” a ta.

LUKA 5:8

Chun, Simon Peterin chu chu a hmu chun, Isu khûp bulah a bawkkhup a, “Lalpa, mi fe san rawh, mi suol ka ni hi,” a ta.

LUKA 8:37

Chun, a vêl Gerasin mihai rama mi po po chun an ṭi ta bêk bêk leiin, ama chu an kuoma inthawka fe hmang dingin an ngên a; chun, lawngah a chuong a, a kîr nâwk ta a.

THILTHAWHAI 16:39

An va fe a, an thlêm a, an ṭhuoi suok a, khuoa inthawk chun fe hmang dingin an ngên a.

DÂN PAHNINA 5:25

Chuleiin, ieng dingin am thîng kan ta? Hi mei nasatak hin a mi kâng hmang el naw ding am a nih? Lalpa ei Pathien râwl chu kan hriet nâwk chun thi el kan tih.