MARKA 4:39 - Pathien Lekhabu Inthieng (BSI)

³⁹ Chun, ama chu a hung har a, thli chu a hal a, dîl kuoma khawm chun, “To la, um ṭawk ṭawk rawh,” a ta. Chun, thli chu a ma a, a hung re ta ṭhup el a.

MARKA 4:39 ပူးပေါင်းရင်းမြစ်များ

JOB LEKHABU (THE BOOK OF JOB) 38:11

‘Hi chen hi nang hung la, khêl naw la, I tuifâwn chapotakhai chu hi chen hin châwl an tih’ ka ti lai khan?

INPÂKNA HLABU 107:29

Thlipui chu a sukma ṭhuop a, Chuongchun, a tuifâwnhai a re ṭhup hlak.

INPÂKNA HLABU 148:8

Mei le riel dâm, vûr sûr le sûmhai, A thu zâwm hlak thlipuihai;

INPÂKNA HLABU 29:10

Lalpa chu Tuilêt lai khan lalah a ṭhung a, Anih, Lalpa chu kumkhuoa dingin lalah a ṭhung a nih.

INPÂKNA HLABU 65:7

Tuisuoriet inri hum hum, a fâwn inri hum humhai le, Mi tin sa mur mur sukre hlaktu chu i nih.

INPÂKNA HLABU 89:9

Nang chun tuipui so bur bur chunga khawm ro i rêl hlak a, A tuifâwn invawr sâng pha khawm i sukre hlak.

FESUOKNA 14:16

I hmawl kha chawi sâng la, i kut kha tuipui chungah phar suok la, tuipui chu ṭhe rawh, Israel mihai chu tuipui inkâra chun hnuoi hula an fe theina dingin.

FESUOKNA 14:22

Israel mihai chu tuipui inkâra chun hnuoi hulah an fe ta a; tuihai chu an changtieng le vawitieng bang angin a um a.

THUVARHAI 8:29

Chuong lai chun tuipui ta dingin tiemchin a pêk a, Tuihai chun a thupêk chu an bawsiet nawna dingin, Leihnuoi lungphûmhai chu a ruot lai chun:

JEREMIA 5:22

Kei chu in mi ṭi naw maw? Lalpa chun a tih; Ka hmaah in inthin naw ding maw? Kumkhaw thupêk anga a liem thei nawna dinga tuipui ramri dinga ṭieupho, kumkhuoa a kân ngai lo ding chu ka sie a.Tuifâwn chu hung invawr sien khawm, luongliem thei naw nih. Hung inrûm thla hum hum sien khawm a kuong chu luongliem bawk naw nih.

ṬAP HLA 3:31

Lalpa chun kumkhuo chun a peihâwn âwm si naw a.

NAHUM 1:4

Tuipui chu a hal a, a kang chat a, vadunghai po po khawm chu an kang zo a, Basan ram le Karmel tlânghai an chul zo a, Lebanon tlâng pârhai an chuoi zo.

MATTHAI 8:26

Ama chun an kuomah, “Ringna tlâwmhai, iengdinga in ṭi?” a ta. Chuongchun, a tho a, thli le dîl chu a hal a, chun, a hung re ta duok el a.

MARKA 4:38

Chun, ama chu lukham chu khamin lawng mei tieng chun a lo in a; chun, an keitho a, a kuoma chun, “Inchûktirtu, kan bohmang hi pawi i ti nâwm a nih?” an ta.

MARKA 9:25

Chun, Isûn mipui an hung tlân khâwm chu a hmuin khawhri inthieng naw chu a hal a, a kuomah, “Nang thlarau ṭawng thei naw le nasêt, thu ka pêk che hi, a sûnga inthawk hung suok la, lût nâwk ta naw rawh,” a ta.

LUKA 4:35

Chun, Isûn a hal a, “To la, a sûnga inthawkin hung suok rawh,” a ta. Chun, khawhri chun a laiah a sukthlûk zet a, sukna lovin a sûnga inthawk chu a hung suok ta a.

LUKA 4:39

Chun, a kâwlah a ngîr a, khawsik chu a hal a, a bo ta a; chun, a tho nghâl ta a, an rawng a bâwlpêk ta a.

LUKA 8:24

Chun, a kuomah an va fe a, an keitho a, “Inchûktirtu, Inchûktirtu, kan bohmang ding a ni hi teh,” an ta. Chun, ama chu a hung har a, thli le tuifâwn chu a hal ta a; chun, a ma a, a re ta a.