MARKA 4:32 - Pathien Lekhabu Inthieng (BSI)

³² the zo hnung ruok chun a hung mâwng a, thlâi po po nêkin a hung lien lem ta a, zâr lientak tak dâm a hung nei a, chuongchun, chunglêng vatehai chu a buka chun an riek thei hlak; chuong ang chu a nih,” a ta.

MARKA 4:32 ပူးပေါင်းရင်းမြစ်များ

INPÂKNA HLABU 104:12

A kamhaia chun chunglêng vatêhaiin umna an nei hlak a, Thing buk laia chun an inhrâm hlak.

INPÂKNA HLABU 91:1

Achunghnungtak inbîkna hmuna um chu, Iengkimthawthei hlima chun um zing a tih.

THUVARHAI 4:18

Mi fel lampui ruok chu zîng khawvar ang a na, Sûn chang lai chena var deu deu ang chu.

HLAHAI HLA 2:3

Ramhnuoi thinghai laia apple thing ang el A nih ka hmangaitak chu, tlangvâlhai laia chun. Inhawi titakin a hlima chun ka ṭhung a, A ra chu ka baua chun a thlum a nih.

ISAI 11:9

Ka tlâng inthienga hrim hrim chun insuknat um ta naw ni a, insuksiet um bawk ta naw ni; tuihai hin tuisuoriet ân khum zing angin, leihnuoi hi Lalpa hrietnain a sip zo vawng ta ding a nih.

ISAI 32:2

Mi pakhat chu thlipuia inthawka inbîkna hmun ang le, ruopuia inthawka inbîkna ang nîng a ta, hmun ṭâwla tui luonghai ang, ram châutaka lungpui lientak hlim ang el chu.

ṬAP HLA 4:20

Ei hnârkuo thuok, Lalpa hrieknâl chu, an khursûnga chun an lâk a; “Ama hlim hnuoia chun hnamhai laia chun chêng ei tih,” ei ti a.

EZEKIEL 17:23

Israel insângna tlânga chun phun ka ta; kâuhai hung insuong a ta, ra hung nei a ta, sidar thing ṭhatak hung nîng a ta; a hnuoia chun vate tinrênghai chu chêng an ta; chutaka a kâuhai hlima chun chêng an tih.

MATTHAI 13:32

chu chu chi po poa chîn tak a na: nisienlakhawm, a hung mâwng sâng pha chun, thlaihai nêk chun a lien lem a, thing a hung ni hlak a, chuongchun, chunglêng vatehai chu an hung a, a zârhaia chun an riek hlak a,” a ta.

MARKA 4:31

Anṭam chi mal khat hnuoia an thein, hnuoi chunga thlai chi po po nêkin chîntak sienla khawm;

MARKA 4:33

Chuong ang tekhithu tamtakin, an ihriet thei tâwk tâwkin, thu chu an kuomah a hril hlak.