MARKA 4:28 - Pathien Lekhabu Inthieng (BSI)

²⁸ Hnuoi hin amain ra a hung insuo hlak, a phut chun a kûng, chu zoa chun a ra, chun chu zo nâwka chun a vûia bu mal kim chu.

MARKA 4:28 ပူးပေါင်းရင်းမြစ်များ

INṬANNA 2:9

Chun, hnuoia inthawkin, Lalpa Pathienin thing mitlatak le fâkmi tinrêng ân mâwngtir a; hringna thing khawm huon lailung taka chun ân mâwngtir bawk a; a suol le a ṭha hrietna thing khawm.

INPÂKNA HLABU 1:3

Ama chu tuiluong kâwla thing phun, A huntaka ra insuo hlak, A hna khawm vuoi ngailo ang hi a nih: A thilthaw taphawt chu hlawtling pei a tih.

THUVARHAI 4:18

Mi fel lampui ruok chu zîng khawvar ang a na, Sûn chang lai chena var deu deu ang chu.

THUHRILTU 3:1

Vân hnuoia hin thiltum tinrêng ta dingin hun a um a, thil tinrêng ta dingin hunbi a um:

THUHRILTU 3:11

Thil tinrêng chu mâni hun senga mawi dingin a siem a; a bula inthawka a tâwp chena Pathienin sin a thaw chu mihriemin a hriet suok thei nawna dingin, an lungrilah khawvêl chu a ruotdet bawk a.

ISAI 61:11

Leihnuoi hin a thil indâwn chu ân suoktir hlak ang le, huon hin a sûnga thil chînghai chu ân mâwngtir ang hin, Lalpa Pathien chun felna le inpâkna hnam tinrêng hmaa chun ân dertir ding a ni si a.

HOSEA 6:3

Lalpa hrietna chu hnawt pei ei tiu khai, hrieng ei tiu; Zîng khawvar anga inkhêl ruol lovin ân thawk suok ngei hlak; Ei kuomah ruo angin, ruo nuhnung, hnuoi sukhûtu ang elin hung tlung a tih,” tiin.

MATTHAI 13:26

Chun, bu chu a hung mâwng a, a hung vui chun, bu tehlêm chu a hung inlang ve ta a.

MARKA 4:27

a umzie a hriet lovin hung mâwngin hung inṭhang sienla, chuong ang chu a nih.

MARKA 4:29

Chun, ra chu a hung hmin pha, bu lâk a lo hun ta leiin kâwite a kei suok nghâl hlak a nih,” a ta.

PHILIPPI 1:6

Nangnia thilṭha thaw ṭantu khan Isu Krista ni chen chun a thaw famkim pei ding a nih; chu ngei chu ka ring tlat si a.

KOLOSSA 1:10

Chuongchun, sinthaw tinrênga hung ra a, Pathien hrietna kawnga hung inṭhang deu deu a, kawng tinrênga ama suklungawi dinga Lalpa zui tlâka in um theina ding le,