MARKA 4:1 - Pathien Lekhabu Inthieng (BSI)

¹ Chun, dîl panga chun ân chûktir nâwk ta a. Chun, mipui nasatak el a kuomah an hung inkhâwm a; chuongchun, dîla chun lawngah a chuong a, a ṭhung a; mipuihai po po chu dîl panga khawmuola chun an um a.

MARKA 4:1 ပူးပေါင်းရင်းမြစ်များ

MARKA 2:13

Chun, a suok nâwk a, dîl panga chun a fe ta a; chun mipui po po chu a kuomah an va fe a, a lo inchûktir ta a.

MARKA 3:7

Chun, Isu chu a inchûktirhai le chun dîl tieng an fe hmang ta a, chuongchun, Galili rama inthawkin mipui nasatakin an zui ta a.

MARKA 3:9

Chun, mipui lei chun a ta dinga lawnglêng pakhat lo siemrêlpêk dingin a închûktirhai a hril a. “Chuong naw chun mi hneng hut hut rawi an tih,” a ta.

MARKA 4:36

Chuongchun, mipui chu mâksanin, ama chu a um ngai chun lawnga chun an fepui nghâl ta a. Lawng dang dâm khawm a kuomah a um a.

MARKA 5:2

Chun, lawnga inthawka a suok chau chun mi pakhat, khawhri inthieng naw iman thlâna inthawka hung suok chun ân tuokpui ta a;

MARKA 5:21

Chun, Isu chu lawnga râl khing tieng a hung kai nâwk chun, mipui nasatak a kuomah an hung khâwm a, ama chu dîl panga chun a um a.