MARKA 3:8 - Pathien Lekhabu Inthieng (BSI)

⁸ Chun, a thil thaw ropuizie chu an hrietin, Judai rama inthawk dâmin, Jerusalema inthawk dâmin, Idumai rama inthawk dâmin, Tura le Sidon khuo vêla inthawk dâmin mipui nasatak a kuomah an hung ve a.

MARKA 3:8 ပူးပေါင်းရင်းမြစ်များ

INPÂKNA HLABU 45:12

Tura naunu chu thilpêk chawiin chutaka chun um a ta, Mi laia hausahai ngei chun i ditsakna hung ngên an tih.

INPÂKNA HLABU 87:4

A mi hretuhai lai an ṭhang ve ti, Rahab le Babulon chungchâng thu hril ka tih; Philistin le Tura hi, Ethiopia le hin, en ta u; Hi mi hi chutaka pieng chu a nih.

ISAI 34:5

Ka kâwlhnâm chun vânah tlaitakin a dâwn ta si a, ngai ta, chu chu, rorêl dingin, Edom mihai chunga le, ka ṭawngse inphur mihai chunga chun tlâng a tih.

EZEKIEL 35:15

Râusan a ni leia Israel sûngkuo rochan chunga chun i lo hlim ta ang khan, i chungah chuong ang tak chun ka thaw ding a nih; Aw Seir tlâng, Edom tlâng po po, a rêng elin, râusan nîng in tih; chun, Lalpa chu ka nih ti mi hre tâng an tih.

EZEKIEL 36:5

Lalpa Pathien chun hieng hin a tih: Matheilovin, hnam la um sunhai chunga le, Edom po po chungah ka thîkna meiin thu hril ngei ka ta; anni chun an lungril inhawi ti zâwng ang po poa nei dingin lungrila hmusitna le, fâk zoa um dinga pei suok el dingin ka ram chu an lo ruot ta a.

MATTHAI 11:21

“Korazin, i chung a rik! Bethsaida, i chung a rik! Nangnia thilmak thawa umhai kha, Tura le Sidona thaw ni sienla, saiip puon sila vut laia ṭhungin um tâng an tih.

MATTHAI 4:25

Galili rama inthawk dâm, Deka-poli khuoa inthawk dâm, Jerusalema inthawk dâm, Judai rama inthawk dâmin le Jordan râla inthawk dâm chun mipui nasatakin ama an zui bawk a.

MARKA 7:24

Chun, a tho a, chutaka inthawk chun Tura le Sidon bielah a fe ta a, chun, inah a lût a, tu ihriet khawm a nuom naw a; nisienlakhawm, ân thup thei si nawh.

MARKA 7:31

Chun, Tura rama inthawkin a suok nâwk a, Sidon khuo sirin Dekapoli ram fe thleng peiin Galili dîl chu a tlung ta a.

LUKA 6:17

Chun, anni ruolin a fe thla a, hmun inzâwlah a ngîr a, a închûktirhai mipui nasatak leh, Judai ram po poa inthawk le Jerusalema inthawk le Tura le Sidon khuo tienga tuisuoriet panga inthawk mi tamtak leh;

JOSUA 15:1

Juda thlahai hnam an sûngkuo izir ang peia an chanpuola ruot chu Edom ramri chin simtieng pang, Zin thlalêr tlung rakin, sim tâwp chenin a va nih.

JOSUA 15:21

Sim tâwpa Edom ramri va deptu, Juda thlahai hnam khawpui hmawrtawnghai chu Kabzeel, Eder, Jagur,