MARKA 2:17 - Pathien Lekhabu Inthieng (BSI)

¹⁷ Chun, Isûn chu chu a lo hriet a, “Mi hrâthai chun dâktawr an ngai naw a, mi hrivawisiehai lemin an ngai a nih; mi feltakhai indawn ding a hung ka ni naw a, mi suolhai lem indawn ding a hung ka nih,” a ta.

MARKA 2:17 ပူးပေါင်းရင်းမြစ်များ

ISAI 1:18

Lalpa chun, “Hung ta u, ngaituo tlâng ei tiu! In suolhai chu sen inlâr angin um ta sienla khawm, vûr angin vâr a tih; sen duk angin sen ta sienla khawm, berâm hmul angin um a tih.

ISAI 55:7

mi rilo chun a um dân chu bânsan sienla, mi fel naw chun a ngaituonahai chu bânsan bawk raw se; Lalpa kuomah kîr nâwk raw se; chuongchun, ama chun lo lunginsiet a ta; ei Pathien kuomah kîr nâwk raw se, ama chun a lo ngaidam nasa khawp âwm si a.

JEREMIA 17:9

Thil po po nêkin lungril hi ân khêl a; a se bik rieu a; tuin am hre thei a ta?

MATTHAI 18:10

“Hieng mi chîn laia pakhat khawm hi hmusit naw dingin fîmkhur ro; an vântirkohaiin vânah ka Pa vâna mi hmêl an hmu rawp hlak ti ka hril cheu hi,”

LUKA 15:10

Ka hril cheu hi, chuong ang bawkin, mi suol pakhat sim chunga hin Pathien vântirkohai an lâwm hlak a nih.

LUKA 15:29

Nisienlakhawm, ama chun a pa kuomah, ‘Ngai rawh, kum hieng chen hi i rawng ka bâwlpêk che a, i thu hlak hi ka awi naw ngai si naw a, ka ruolhai le hlimna ka siemna dingin kêltê khawm i mi pêk ngai si nawh.

LUKA 15:7

Ka hril cheu hi, chuong ang bawk chun, mi fel sâwmkuo le pakuo sim chuong ding nei nawhai chunga nêkin mi suol pakhat sim chunga hin vânah lâwmna um lem a tih.

LUKA 16:15

Chuongchun, ama chun an kuomah, “Mi mithmua insukfel el in nih, nisienlakhawm, Pathienin in lungril a hriet si a; mihriem laia an ichawimawi chu Pathien mithmua chun tirdakumtak a nih.

LUKA 19:10

Bohmanghai zawnga sandam dingin Mihriem Naupa hi a hung a ni hrim a nih,” a ta.

JOHAN 9:34

Chun, anni chun a kuomah, “Nang suol letdêra pieng i nih annâwm, nangin i mi hril vei maw?” an ta, an dawn a. Chuongchun, ama chu an hnawt dawk ta a.

JOHAN 9:40

Chun, a kâwla Pharisai umhai chun chuong thu chu an hriet a, a kuomah, “Keini khawm hi mitdel kan ni ve am a nih?” an ta.

THILTHAWHAI 20:21

Judahai le Grikhai kuoma khawm Pathien tienga lungril inlet thu le, ei Lalpa Isu Krista tieng ringna ding thu kân hriettir hlak kha.

THILTHAWHAI 26:20

a tîrin Damaskaa mihai kuomah, chu hnunga chun Jerusalema mihai kuoma dâm, Juda ram tina mihai kuoma dâm, Jentailhai kuoma dâm khawm sim hming inbûk tlâka thil thawa, sima, Pathien tieng an nghatna dingin ka hril lem hlak a nih.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.