MARKA 2:13 - Pathien Lekhabu Inthieng (BSI)

¹³ Chun, a suok nâwk a, dîl panga chun a fe ta a; chun mipui po po chu a kuomah an va fe a, a lo inchûktir ta a.

MARKA 2:13 ပူးပေါင်းရင်းမြစ်များ

MATTHAI 13:1

Chu ni chun Isu chu ina inthawkin a fe suok a, dîl panga chun a ṭhung a.

MATTHAI 9:9

Chun, Isu chutaka inthawkin a fe pei a, sie chawina hmuna ṭhung mi pakhat, a hming Matthai, a hmu a; a kuomah, “Mi hung zui rawh,” a ta. Chuongchun, a tho a, a zui ta a.

MARKA 1:45

Nisienlakhawm, ama chu a suok a, tlânginsamin chu thu chu a puong dar phut el ta a; chuongchun, Isu chu uolautakin khuo a lût thei ta naw a; thlalêr hmunahai a um lem ta a; chun hmun tina mi a kuomah an hung hlak a.

MARKA 10:1

Chun, a tho a, chutaka inthawk chu Judai ram le Jordan râlah a fe ta a; chun, mipuihai chu a kuomah an hung inkhâwm nâwk a, chuongchun, a thaw dân pângngaiin a lo inchûktir nâwk a.

MARKA 2:2

Chuongchun, kawt bula khawm umna um naw khawp rakin, mi tamtak an hung khâwm a; an kuoma chun thu a hril ta a.

MARKA 4:1

Chun, dîl panga chun ân chûktir nâwk ta a. Chun, mipui nasatak el a kuomah an hung inkhâwm a; chuongchun, dîla chun lawngah a chuong a, a ṭhung a; mipuihai po po chu dîl panga khawmuola chun an um a.

LUKA 19:48

nisienlakhawm, mihaiin ṭhahnemngaitaka thu an ngai leiin, a thaw ngaina an hriet si nawh.

LUKA 21:38

Chun, zîngkâr inhmatakin a thu ngai dingin mi po po Pathien biekinah a kuomah an hung hlak.