MARKA 15:40 - Pathien Lekhabu Inthieng (BSI)

⁴⁰ Chun, nuhmeihai khawm hlataka thlîrin an um a; chuhai lai chun, Mari Magdalin hai, Mari, Jakob chîn le Jose nu hai dâm, le Salomi hai an ṭhang a, (chuonghai chu Galili rama a um laia ama zuia a rawng bâwlpêk hlak hai chu an nih);

MARKA 15:40 ပူးပေါင်းရင်းမြစ်များ

INPÂKNA HLABU 38:11

Mi hmangaituhai le ka ruolhai chu ka hri invawia inthawk hin an insiekieng hlak a, Ka laibunghai khawm hlatakah an ngîr hlak.

MATTHAI 10:3

Philip le Bartholomai hai; Thoma le siedâwltu Matthai hai; Alphai naupa Jakob le Thaddai hai,

MATTHAI 13:55

Hi mi pa hi thingrem siemtu naupa kha a ni naw am a nih? A unauhai khawm, Jakob, Josef, Simon, Juda an tihai chu an ni naw am a nih?

MATTHAI 27:61

Chun, chutaka chun, Mari Magdalin le Mari dang chu an um a, thlân hma zâwna chun an ṭhung a.

MATTHAI 28:1

Chun, Châwlni zo, ni saria ni hmasatak dinga khuo a var tâwmin, Mari Magdalin le Mari dang chu thlân en dingin an fe a.

MARKA 15:47

Chun, Mari Magdalin le Josef nu Mari chun an inzâlna chu an hmu zing a.

MARKA 16:1

Chun, Châwlni a hung bo chun Mari Magdalin hai, Mari Jakob nu hai, Salomi hai chun ama nâl dinga an va fe theina ding chun thil riminhnik an inchâwk a.

MARKA 16:9

[Chun, ni saria ni hmasatak, zîngkâra a thonâwk chun, Mari Magdalin, a sûnga inthawka khawhri pasari a hnawt suokpêk kuoma khan ân lâr hmasatak a.

LUKA 19:3

Chun, Isu chu mi ieng ang am a ni hmu a tum a; mipui leiin a hmu thei naw a, ama hlak ân hnuoi si a.

LUKA 23:49

Chun, a hmêlhriethai po po le, nuhmei Galili rama inthawka hung zuihai chu, chuong thil chu thlîrin hlatakah an ngîr a.

1 KORINTH 9:5

Tirko danghai le Lalpa unauhai le, Kipha ang khan ringtu nuhmei ṭhuoi vêl dingin

GALATI 1:19

Tirko danghai ruok chu, Lalpa unau Jakob chau naw chu, tûkhawm ka hmu naw a.

JAKOB 1:1

Jakob, Pathien le Isu Krista suokin, Hnam sâwm le pahni indarhai chu chibai a bûk.