MARKA 15:34 - Pathien Lekhabu Inthieng (BSI)

³⁴ Chun, zânbu suong phâ chun Isu chu râwl inringtakin, “Eloi, Eloi, lama sabakthani?” tiin a khêk suok a. (Chu chu “Ka Pathien, ka Pathien, iengdinga i mi mâksan?” tina a nih).

MARKA 15:34 ပူးပေါင်းရင်းမြစ်များ

INPÂKNA HLABU 22:1

Ka Pathien, ka Pathien, iengdinga i mi mâksan am? Iengdinga mi ṭhangpui dinga i hlat hle a, kân rûmna thuhaia inthawka i hla am a na?

INPÂKNA HLABU 27:9

Ka kuoma inthawk hin i hmai thup naw la, I siehlaw hi i lunginsenin sukbohmang naw la, Nang chu a mi ṭhangpuitu i ni hlak a, Aw a mi sandamtu Pathien, mi pei thla naw la, mi mâksan lul naw rawh.

INPÂKNA HLABU 42:9

Pathien ka lungpui kuoma chun, “Iengdinga i mi theinghil am? Iengdinga a mi dotuhai nêksâwrna leia lungngaia kân vâi ruoi hlak am a na?” tîng ka tih.

INPÂKNA HLABU 71:11

“Pathienin a mâksan tah: Hnawt unla, man ro; sanhimtu ding hrim an um si nawh,” tiin.

ISAI 41:17

Mi rimsi le pasiehai chun tui an zawng hlak a, a um si naw a, an lei dangchârin a ṭâwl vawng hlak; kei Lalpa hin anni chu dawn ka ta, kei Israelhai Pathien hin anni chu mâksan naw ning.

ṬAP HLA 1:12

Nangni a fe inlawn po pohai, in ta dingin iengkhawm a ni naw maw? Ngai unla, ka kuoma thaw anga, ka lungngaina ang hrim hi lungngaina a um am en ta u, Lalpain a lunginsenna ṭium nia a mi sukrinumna ang hi.

ṬAP HLA 5:20

Iengdinga keini mi theinghil kumkhuoin, Chuong chen lâwm lâwm iengdinga mi nghatsan el am i na?

DANIEL 9:21

ṭawngṭaia ka ṭawng lai zing chun, mi pakhat Gabriel, a tîra thil hmulâwka ka hmu khan, zântienga thilinhlân hun lai hin, hrâttaka invuongtira umin a mi them a.

MATTHAI 27:45

Chun, nisa indinga inthawka zânbu suong pha chenin khawvêl a hung inthim ta vawng a.

MATTHAI 27:46

Chun, zânbu suong pha vêl chun, Isu chu râwl inringtakin, “Eli, Eli lama sabakthani” tiin a khêk suok a. (Chu chu, “Ka Pathien, ka Pathien, iengdinga i mi mâksan?” tina a nih.)

MARKA 15:25

Chun, Isu an hemde hun chu vairik lai a nih.

MARKA 15:35

Chun, a kuoma ngîr ṭhenkhat chun chu chu an hrietin, “Ngai ta u, Elija a ko a nih,” an ta.

LUKA 23:44

Chun, nisa inding lai a hung na, chu chena inthawk zânbu suong pha chenin khawvêl a hung inthim ta vawng a, nisa var a hung bo ta a;

LUKA 23:46

Chun, Isu râwl inringtakin a khêk a, “Pa, i kutah ka thlarau kân kawltir,” a ta. Chu chu a ti zo chun a thlarau ân thla ta a.

THILTHAWHAI 10:3

Chawhnung dâr thum vêlah inlârnain chiengtakin a hmu a; Pathien vântirko pakhat a kuomah a hung a, “Korneli” a hung ti a.

HEBRAIHAI 5:7

Ama chun hnuoi taksa a put lai nihaia khan thinaa inthawka ama sandam theitu kuoma khan nasataka khêkin, mitthli tla pumin ṭawngṭainahai le hninahai ân hlân a, inzâ taka ân pekna leiin ngaithlâkin a um a,