MARKA 15:14 - Pathien Lekhabu Inthieng (BSI)

¹⁴ Pilat chun an kuomah, “Iengdingin am ie? Ieng am a suksuol leh?” a ta. Nisienlakhawm, anni chu, “Krawsah hemde rawh,” tiin an khêk zuol sau a!

MARKA 15:14 ပူးပေါင်းရင်းမြစ်များ

INPÂKNA HLABU 69:4

A san boa a mi theidatuhai chu ka samzai nêkin an tam lem a, Indiknawtaka mi doa, mi sukbohmang tumtuhai chu mi hrâttak an nih, Kân rûk dêr naw khawm an min rultir a.

ISAI 53:3

Ama chu mihriemhai hmusit le dit nawin a um a; lungngainahai nei mi le natna hre mi a na, mihaiin an hmai an hipsan ang ang chun ama chu hmusitin a um a, eini hlak chun ama chu ei ngaisâng si nawh.

ISAI 53:9

Chun, thil nunsetaka thaw ngai lovin, a bauah hlêmna hrim hrim um ngai naw sien khawm, a thlân chu mi suolhai kuomah an ruotpêk a, a thi hnung chun mi hausa kuom tieng a um a.

MATTHAI 27:19

Chun, rorêlna ṭhungphaa ân ṭhung lai chun, a nuhmeiin, “Kha mi feltak chunga khan iengkhawm thaw naw rawh; vawisûn hin ama leiin mangah thil tamtak ka tuor a nih,” tiin ân cha a.

MATTHAI 27:4

“Mi thiem thisen kân mantir kha thil ka suksuol a nih,” a ta. Anni ruok chun, “Chu chu kan ta dingin ieng am pawi a ta? Nangin i thaw thawin thaw rawh,” an ti san a.

MATTHAI 27:54

Chun, sipai za hotu le a kuoma Isu vênga um vehai chun, simkhawleihnuoi inhnîng le thil umziehai chu an hmu chun an ṭi ta bêk bêk a, “Hi mipa hi Pathien Naupa a ni ngei el,” an ta.

MARKA 15:13

Anni chun, “Krawsah hemde rawh,” tiin an khêk nâwk a.

MARKA 15:15

Chuongchun, Pilatin mipuihai suklungawi a nuom a, Barabba chu ân suopêk ta a. Chun, Isu chu a vuok zoin krawsa hemde dingin a pêk ta a.

LUKA 23:21

nisienlakhawm, an khêk a, “Krawsah hemde rawh, krawsah hemde rawh,” an ta.

LUKA 23:4

Chun, Pilatin thiempu lalhai le mipuihai kuoma chun, “Hi mipa chunga hin iengkhawm suol ka hmu naw ie,” a ta.

LUKA 23:41

Eini chu ei tuor âwm tak hrim tuor ei nih, ei thilthaw man indiktak hmu ei ni lem; ama ruok hin chu iengkhawm a suksuol si nawh,” a ta.

LUKA 23:47

Chun, sipai za hotu chun thil umzie chu a hmu chun, “Hi mipa hi matheilovin mi feltak a ni phawt el,” a ta. Pathien ân pâk ta a.

JOHAN 18:38

Pilatin a kuomah, “Thutak chu ieng am a na?” a ta. Chun, chu thu chu a hril phingleh, Judahai kuomah a va suok nâwk a, an kuomah, “Iengkhawm a suol ka hmu nawh.

JOHAN 19:6

Chun, thiempu lalhai le manmihai chun ama an hmu phingleh an khêk a, “Krawsah hemde rawh, krawsah hemde rawh,” an ta. Pilatin an kuomah, “Nangnîn fepui unla, krawsah hemde ro; kei chu ieng khawm a suolna ka hmu si nawh,” a ta.

THILTHAWHAI 13:28

A thina khawp meu a chungah iengkhawm an hmu naw khawmin, Pilat kuomah sukhlum an ngên a.

THILTHAWHAI 19:34

Nisienlakhawm, ama chu Juda mi a nih ti an hriet phingleh, dârkâr hni lai, rawl inruoltakin, “Ephesia mi Diana hi ropuitak a nih” ti ruokin an khêk a.

HEBRAIHAI 7:26

Chuong ang, Thiempu Laltak, mi inthieng, sawisêlbo, inthieng nawna kai lo, mi suolhai laia inthawka a tuma um, vânhai nêka chunghnung lema siem ta chu ei ta dingin a âwm hrim si a.

1 PETER 1:19

berâmte hmêlhem lo le inthieng nawna kai lo thisen anga, Krista thisen hlu chun intlan in ni lem ti in hriet si a.