MARKA 14:62 - Pathien Lekhabu Inthieng (BSI)

⁶² Chun, Isûn, “Ni e, Mihriem Naupa hi thilthawtheina chang tienga ṭhunga, vân sûm laia hung la hmûng in tih,” a ta.

MARKA 14:62 ပူးပေါင်းရင်းမြစ်များ

INPÂKNA HLABU 110:1

Lalpa chun ka Lalpa kuomah, “I hmêlmahai i ke innghatnaa ka siem hmakhat chu, Ka changtieng ṭhung rawh,” a ti a.

MATTHAI 24:30

Chu phâ chun Mihriem Naupa inchikna chu vânah inlang a ta, chun, hnuoia um chi tinin an âwmhai chum an ta, Mihriem Naupa hi thilthawtheina le ropuina nasatak leh vân sûm chunga hung hmûng an tih.

MATTHAI 26:64

Isûn a kuomah, “I hril ang chun ka nih; chu nawa khawm, ka hril cheu hi, hi hnung leh Mihriem Naupa hi thilthawtheina changtienga ṭhunga, vân sûm chunga hung in la hmu ding a nih,” a ta.

MATTHAI 27:11

Chun, Isu chu Bawrsâp hmaa chun a ngîr a. Chun, Bawrsâp chun, “Judahai lal i ni?” tîn ân dawn a. Chun, Isûn, “I hril ang chun ka nih,” a ta.

MARKA 13:26

Chu phâ le chun Mihriem Naupa hi thilthawtheina nasatak leh sûm laia hung hmûng an tih.

MARKA 15:2

Chun, Pilat chun a kuomah, “Judahai lal i ni am a nih?” tiin ân dawn a; ama chun, “I hril ang chun ka nih,” tiin a dawn a.

MARKA 16:19

Chuongchun, Lal Isu chu an kuoma thu a hril zo chun vâna zuk ṭhuoiin a um ta a, Pathien changtieng a hang ṭhung ta a.

LUKA 22:69

Nisienlakhawm, tuta inthawk chu Mihriem Naupa hi Pathien thilthawtheina changtieng ṭhung tâng a tih,” a ta.

LUKA 23:3

Chun, Pilatin a kuomah, “Judahai lal i ni maw?” tiin ân dawn a. Ama chun a kuomah, “I hril angin ka nih,” a ta, a dawn a.

HEBRAIHAI 1:3

Ama chu a Pathien ropuina var le, a tak angpui ngei leh, ama thilthawtheina thuah iengkim tungdingtu niin, suolhai a sukthieng hnungin chung tienga Ropuitak changtienga khin a hang ṭhung a.

HEBRAIHAI 12:2

Isu ei ringna siemtu le sukfamkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung ta a.

HEBRAIHAI 8:1

Chuongchun, ei thu hrilhai laia a pawimaw tak chu hi hi a nih: Chuong ang, thiempu Laltak, vânahai khin Ropuitak lalṭhungpha chang tienga hang ṭhung chu ei nei a nih;

HEBRAIHAI 8:10

Chuong ni hnunga chun Israel sûnghai kuoma Thu ka thlung ding chu hieng hi a nih, Lalpain a tih; An lungrilah ka thupêkhai sieng ka ta, An lungrilah ziek bawk ka ta; Chun, anni ta dingin Pathien nîng ka ta, Keia ta dingin anni chu ka mihai ni bawk an tih:

2 PETER 1:16

Ei Lalpa Isu Krista thilthawthei zie le a hung nâwkna thu chu kan inhriettir lai cheu khan, tienami vartaka ngaituo suok elhai zâwm kan ni naw a, a ropuina hmutuhai kan ni lem in sâwnnaw.

THUPUONGSUO 1:7

Ngai ta u, ama chu sûmhai le chun a hung ding a nih; mit tinrêngin hmûng an ta, a suntuhai ngei khawm khan; khawvêla hnam po poin ama ṭa bawk an tih. Chuong angtak chun ning a tih, Amen.

THUPUONGSUO 20:11

Chun, lalṭhungpha lientak vârtak le a chunga ṭhung chu ka hmu a, a hmaa inthawk chun hnuoi le vân an tlân hmang a, an ta dingin hmun hrim a um ta naw a.