MARKA 14:61 - Pathien Lekhabu Inthieng (BSI)

⁶¹ Ama ruok chu a to zing a, iengkhawmin a dawn naw a. Thiempu Laltak chun a kuomah, “Krista, Inpâk tlâk Naupa chu i ni maw?” tiin ân dawn a.

MARKA 14:61 ပူးပေါင်းရင်းမြစ်များ

INPÂKNA HLABU 119:12

Aw Lalpa, nang chu inpâk tlâk i nih ie, I thuruothai chu min chûktir rawh.

INPÂKNA HLABU 2:7

Thuruot chu ka hril ding a nih: Lalpa chun ka kuomah, “Nang chu ka naupa i nih; Vawisûn hin ka nei che a nih.

INPÂKNA HLABU 39:9

Nangma thaw a ni leiin, Ka ṭawng naw a, ka bau ka ka bawk nawh.

ISAI 53:7

Ama chu nêksawr le sukrinumin a um a, nisienlakhawm, ân ngaitlâwm a, a bau khawm a ka nawh; berâmte that dinga an ṭhuoi ang le berâm a hmul vâwtu hmaa to zinga a um ang elin, anih, a bau a ka nawh.

MATTHAI 16:16

Simon Peterin, “Krista Pathien hring Naupa chu I nih,” a ta, a dawn a.

MATTHAI 3:17

Chun, ngai ta, vâna inthawkin râwlin “Hi hi ka Naupa dittak, ka ilâwm bêk bêk chu a nih,” a ta.

MATTHAI 8:29

Chun, ngai ta, anni chun, “Pathien Naupa, nang le keini ieng am ei inzâwlna? A hun tlung hmain a mi sawisa dinga hitaka hung am i nih?” tiin an khêk a.

MARKA 14:60

Chun, Thiempu Laltak chu a ngîr suok a, Isu kuomah, “Iengkhawmin i dawn naw maw? Hienghaiin an hêkna che hi ieng tizie am a na?” tiin ân dawn a.

MARKA 15:2

Chun, Pilat chun a kuomah, “Judahai lal i ni am a nih?” tiin ân dawn a; ama chun, “I hril ang chun ka nih,” tiin a dawn a.

JOHAN 1:34

Chu chu ka hmu ta a, ama hi Pathien Naupa a nih ti kân hriettir tah,” a ta.

JOHAN 10:24

Chun, Judahai a kâwlah an hung a, a kuomah,“Ieng chen am lungâwpinkaiin i mi sie ding a na? Krista i ni chun feltakin mi hril rawh,” an ta.

JOHAN 10:36

Pain a iruot, khawvêla a itir chunga hin, ‘Pathien Naupa ka nih,’ ka ti leiin, ‘Pathien i hrilsiet,’ in ti a ni maw?

JOHAN 18:37

Chun, Pilatin a kuomah, “Chu lal i ni am a nih?” a ta. Isûn, “Lal ka nizie i hril zing chu. Thutak inhriettir hi ka pieng san le khawvêla ka hung san a nih. Tukhawm thutaka mi taphawt chun ka thu an pawm hlak,” a ta.

JOHAN 19:7

Judahai chun a kuomah, “Kan dân kawng khat a um, chu dân ang peiin Pathien Naua ân siem leiin, a thi ding a nih,” an ta, an dawn a.

JOHAN 19:9

a inah a lût nâwk a, Isu kuomah, “Khâwtienga mi am I ni a?” a ta. Nisienlakhawm, Isûn a dawn nawh.

THILTHAWHAI 8:32

Pathien Lekha a tiem lai chu hi hi a nih:- “That dingin berâm angin ama chu an ṭhuoi a; Berâmtê a hmul vâwtu hmaa a to zing angin, Ama khawmin a bau a ka nawh;

1 TIMOTHE 1:11

inpâktlâk Pathien Chanchin Ṭha ropui inchûktirna indik ka kuomah inkawltira um ang ni lo ta ding chun siem a ni lem.

1 TIMOTHE 6:15

Chu inlârna chu a hun taka chun inpâktlâk thuneitu tak chau, laltakhai laltak, lalhai lal chun inentir a ti che.

1 PETER 2:23

Mi hala a um laiin a hal ve thung naw a, a tuor laiin a vau naw a, feltaka ngaituo hlaktu kuoma chun ân pêk lem a nih.