MARKA 14:14 - Pathien Lekhabu Inthieng (BSI)

¹⁴ Chun, a lûtna naa chun, chu in neitupa kuoma chun, ‘Inchûktirtu chun, ka închûktirhai le Fekân Ruoi bu kan fâkna ding ka mikhuol pindan chu khâwlai am a na? a tih’ ti unla.

MARKA 14:14 ပူးပေါင်းရင်းမြစ်များ

MARKA 10:17

Chun, fe dinga a suok laitakin mi pakhat a kuom tieng a hung tlân a, a hmaah a dingṭhaṭhuon a, a kuomah, “Inchûktirtu ṭha, kumkhuoa hringna ka nei theina dingin ieng am thâwng ka ta?” tiin ân dawn a.

MARKA 11:3

Chun, tûkhawmin, ‘A kha iengding am in ti a?’ an ti cheu chun, ‘Lalpain a mamaw a nih, ahin hung insietir nâwk vak a tih,’ ti ro,” a ta.

MARKA 14:13

Chuongchun, a închûktirhai laia mi pahni a tir a, an kuomah, “Khawpuiah va lût unla, pasal bêla tui putin intuokpui a ti cheu a, ama chu zui lût ro.

MARKA 14:15

Chuongchun, ama ngei chun pindan chunghnung lientak, thuomhnaw umsa, inrêlsa diem, inentir a ti cheu a, chu hmuna chun ei ta dingin va siem ro,” a ta.

LUKA 22:11

Chun, in neitupa kuoma chun, ‘Inchûktirtuin, ka închûktirhai le Fekân Ruoi bu kan fâkna ding mikhuol pindan chu khâwlai am a na? a ti che,’ ti ro.

JOHAN 11:28

Chun, chu thu chu a hril zo phingleh a fe a, a zuorpuinu Mari chu arûkin a va ko a, “Inchûktirtu hitakah a um a, a ko che,” a ta.

JOHAN 13:13

Nangnîn Inchûktirtu le Lalpa in mi ti hlak; in ti indik hle, ka ni ngei hrim a.

THUPUONGSUO 3:20

Ngai ta, kawtkhâr bula ngîrin ka nawk hi; tûkhawmin ka rawl hrea kawt a hawng chun a kuomah lût ka ta, a kuomah zânbu fâng ka ta, ama khawmin ka kuomah fa bawk a tih.