MARKA 13:9 - Pathien Lekhabu Inthieng (BSI)

⁹ “Nisienlakhawm, fimkhur ro, rorêltuhai an inmantir ding cheu a nih; inkhâwmna inhaiah vuong an ti cheu a, keia leiin hotuhai le lalhai hmaah anni inhriettirna dingin la ngîr bawk in tih.

MARKA 13:9 ပူးပေါင်းရင်းမြစ်များ

MATTHAI 5:22

kei ruok chun, tukhawm a unau chunga lunginsen taphawt chu rorêlna hmabâk zingin um a tih; chun tukhawm a unau kuoma, ‘Hmangnabopa’ ti taphawt chu rorêlna hmabâk zingin um a tih; chun tukhawm, ‘Invêtpa’ ti taphawt chu Hremhmun meia pei hmabâk zingin um a tih ti ka hril cheu hi.

MARKA 1:44

a kuomah, “Tu kuoma khawm iengkhawm va hril dêr naw raw kha; nisienlakhawm, thiempu kuomah vân entir la, an hriet fel theina dingin Mosie thil ruothai kha i înthienna dingin vân hlân rawh,” a ta.

MARKA 13:5

Chun, Isûn an kuomah, “Tukhawmin an hlêm nawna ding cheuin fimkhur ro.

MARKA 13:8

Hnam dang le hnam dang indo an ta; ram tum le ram tum indo an ta; hmun dang dangah simkhawleihai inhnîng a ta, ṭâmhai tlâng a ta. Chuong chu nauhase phut ang hi nîng a tih.

MARKA 6:11

Chun, khâwlai khuo khawmin an lâwm naw cheu a, in thu an ngâi nawna poah, chutaka inthawka in suok pha chun, anni inhriettirna dingin in kepha hnuoia pilvut kai chu thinthla ro,” a ta.

LUKA 9:5

Chun, a lâwm naw taphawt cheu chu, chu khuoa inthawka in suok pha chun an thiemnawzie inhriettirna dingin in kephaa pilvut chu thin thla ro,” a ta.

JOHAN 15:20

‘Suok a pu nêkin a ropui nawh,’ ti thu ka hril ta cheu kha hre zing ro. Annîn kei an mi suknawmna ta chun, nangni khawm suknawmnâng an ti cheu; ka thu an zâwm ta chun nangni thu khawm zâwm an tih.

JOHAN 16:2

Inkhâwmna inahai inhnawngtir an ti cheu a, anih, tûkhawm a sukhlumtuhai cheu chun Pathien chungah thilṭha thawin inhrieng an tih, chuong ang hun chu a tlung ding a nih.

THILTHAWHAI 21:11

Kan kuomah a hung a, Paula kâwnghrên a lâk a, a kehai, a kuthai ama le ama ân khuop a, chun, “Jerusalema Judahai chun hi kâwnghrên neitu hi hieng ang hin khuop an tih, Jentailhai kutah pe bawk an tih, Thlarau Inthiengin a tih,” a ta.

THILTHAWHAI 7:54

Chun, chuong thu chu an hrietin an lungril a khei ta a, Stephan chunga chun an ha an râwt a.

THILTHAWHAI 9:16

Ka hming leiin rinum ieng anga nasa am a tuor ding a kuomah lân hriettir ka tih,” a ta.

PHILIPPI 1:29

Krista leia ama in ring chau ni lovin, ama leia in tuor khawm phal a ni si a,

2 THESSALONIKA 1:5

Chuong chu Pathien rama mi ni tlâka ruot in ni thei ding a nih ti Pathien rorêl feltak inchikna fietak a nih, chu ram leia chu tuor in ni hi.

2 JOHAN 1:8

Ei thaw suok sahai kha in inhmang naw a, a man chu a kima in hmu thei lemna dingin invêng ṭha ro.

THUPUONGSUO 1:9

Kei Johan, in unaupa le, Isu rinumna dâm, khuoletui dâm, selna dâm inṭâwmpuitu cheu hi, Pathien thu lei le, Isu inhriettirna thu leiin Patmos thlierkâr an tia chun ka um a.

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.

THUPUONGSUO 2:13

Setan lalṭhungpha innghatna hmuna um i nih ti ka hriet. Nisienlakhawm, ka hming i ṭan tlat a, chun, ka thu hretu ringum Antipa, Setan umna hmuna nangni laia an that lai khawm khan, i ringna in phat chuong nawh.