MARKA 13:32 - Pathien Lekhabu Inthieng (BSI)

³² “Nisienlakhawm, chu ni le a dâr thu chu Pa chau naw chun tukhawmin, vâna vântirkohai khawmin, Naupa khawmin, an hriet nawh.

MARKA 13:32 ပူးပေါင်းရင်းမြစ်များ

MATTHAI 25:13

Chuongchun, ngaiven ro, a ni le a hun chu in hriet si naw a.

MATTHAI 25:19

“Chun, sâwttak hnungah chuong suokhai pu chu a hung a, an kuomah a sum chanchin a sukfel a.

MATTHAI 25:6

Chun, zân rila chun, ‘Ngai ta u, mo neitu chu a hung ie! a tuok dingin hung suok ro khai,’ tiin khêkri a hung um ta a.

MARKA 13:31

Hnuoi le vân bo a ta, ka thu ruok chu bo naw ni.

THILTHAWHAI 1:7

Chun, ama chun an kuomah, “Pain a hun le a ni ama thu thua um dinga a ruot chu nangni lo hriet ding a ni naw ie.

2 PETER 3:10

Nisienlakhawm, Lalpa ni chu inru angin hung tlung ngei a tih; chu nia chun vânhai chu nasataka inriin bohmang a ta, thil bulhai chu meia emhmangin um tâng a ta, hnuoi le a sûnga sinthaw umhai hi kâng hmang a tih.

THUPUONGSUO 1:1

Isu Krista thupuongsuo, Pathienin a suokhai inhriettir dinga a kuoma a pêk, thil hung um vak ding thu chu; chu chu a vântirko hmangin a suok Johan kuomah a hung inhriettir a;

THUPUONGSUO 3:3

Chuongchun, i changta le i hriet ta kha hre zing rawh; chun, chu chu pawm la, sim rawh. în vêng naw chun inru angin hung ka ta, ieng hun âm ka hung phâwk ding che hre si naw ti ni a.