MARKA 13:19 - Pathien Lekhabu Inthieng (BSI)

¹⁹ Chuong ni chu rimsik ni a ni ding a ni si a; chuong anga nasa hrim hrim chu Pathien isiem leilung insieng tîra inthawk tu chen hin a la um ngai naw a, iengtika khawm hung um nâwk ta naw bawk a tih.

MARKA 13:19 ပူးပေါင်းရင်းမြစ်များ

ṬAP HLA 1:12

Nangni a fe inlawn po pohai, in ta dingin iengkhawm a ni naw maw? Ngai unla, ka kuoma thaw anga, ka lungngaina ang hrim hi lungngaina a um am en ta u, Lalpain a lunginsenna ṭium nia a mi sukrinumna ang hi.

ṬAP HLA 2:13

Ieng am inhriettir ka che a, ieng lêm hrilkhîng ka ti che a, Aw Jerusalem naunu? Nang chu ka thlamuon theina ding chein, ieng tluk chau am ka ni ding a na, Aw Zion naunu nunghâk? I sietna chu tuisuoriet angin a lien a, tuin am sukdam thei a ti che a?

ṬAP HLA 4:6

Ka mihai naunu rîtlona chu Sodom suolna nêkin a nasa lem si a; Chu chu mitkhapkâr loa peihâwnin a um a, a chunga chun kut hrim innghat a ni nawh.

DANIEL 12:1

“Chu pha chun lal naupa ropuitak Mikael, i mihai ta dinga ngîr chu ngîrsuok a ta; chun, buoina hun chu a hung um ding a nih, hnam um tira inthawka chu chu hun chena khawm la um ngai hrim hrim lo chu; chu pha chun, i mihai, lekhabua zieka hmu taphawthai chu sanhim nîng an tih.

DANIEL 9:12

Kan chungah thil ṭha naw chu intlungtirin, keini le kan rorêltuhai, kan chunga rorêltuhai chungah a thu a hrilhai chu a hung sukdet ta a; Jerusalem khaw chunga thaw a ni ta ang hin vân hnuoi po po khâwlai khawm thaw a ni ngai si naw a.

DANIEL 9:26

Chun, hapta sâwmruk pahni hnunga chun Messie chu sât thlâk nîng a ta, ama ta dingin ni lovin, chun, lal mihai hung dinghai chun khawpui le Hmun Inthiengtak chu suksieng an ta, a tâwpna chu tuilêt nîng a ta, a tâwpa chun indona nîng a tih; sukrêma umna ding chu ruot a ni ta si a.

JOEL 2:2

inthimna le vâninnîmna ni, sûm zîng ni le inthim sâ ni, tlâng chunga vârtle var rên ruon ang; mipui nasatak le hrâttak, chuong ang la um ngai lo, chuong hnunga suon tamtak chen khawma um nâwk ta ngailo ding chu.

MATTHAI 24:21

chu phâ chun rinumna nasatak a um ding a ni si a; chuong ang hrim hrima nasa chu leihnuoi insieng tira inthawkin tu chen hin a la um ngai naw a, um khawm iengtika khawm um nâwk ta bawk naw ni.

MARKA 10:6

Nisienlakhawm, leilung insîeng tîra inthawk chun, ‘Anni chu nuhmei le pasalin a siem a nih,’

MARKA 13:18

Chun, chuong chu phalbi laia a tlung nawna dingin ṭawngṭai ro.

MARKA 13:20

Chun, Lalpân chuong nihai chu suktawi naw sien chu mihriem hrim hrim damin suok naw ni hai; nisienlakhawm, mi thlang a iruothai leiin nihai chu a suktawi a.

DÂN PAHNINA 28:59

Lalpain nangni le in thlahai chungah hri maktak, hripui inlêng zing, natna rinumtak inlêng zing chi inlêngtir a tih.

DÂN PAHNINA 4:32

“In pieng hma, kha hma tieng kha hang ngaituo unla, leihnuoia Pathienin mihriem a siema inthawk vânkhuphnuoia hieng anga thil ropui hi a um hlakin, hriet khawm a ni hrim hlak am chu?

THUPUONGSUO 7:14

Kei chun a kuomah, “Pu, nangin i hriet annâwm,” ka ta. Ama chun ka kuomah, “Hienghai hi rinum nasataka inthawka suokhai kha an nih, an silfenhai Berâmte thisena sâwpin an sukvâr ta a.