MARKA 13:14 - Pathien Lekhabu Inthieng (BSI)

¹⁴ “Nisienlakhawm, sukrêmtu tirdakum chu a ngîr nawna dinga ngîr in hmu phâleh, (a tiem taphawt chun a umzie hre raw se); chu phâ chun Judai rama umhai chu tlânga dâm tlân hmang raw se;

MARKA 13:14 ပူးပေါင်းရင်းမြစ်များ

ṬAP HLA 1:10

Hmêlma chun a thil hluhai po po chungah a kut a phar a, Awinaw mi chu a hmun inthiengtaka chun a lût ti a hmu si a, I mipui inkhâwmnaa lût lo dinga i khaphai ngei kha.

EZEKIEL 44:9

“Lalpa Pathien chun hieng hin a ti a nih: Mi hmêlmak, lungrila sertan lo, tisa khawma sertan lo mi hmêlmak ieng ang khawm Israel thlahai laia lo um ta khawm chu, ka hmun inthienga chun a lût ding a ni naw a.

DANIEL 11:31

Sipaihai chu ama tieng chun ngîr an ta, Hmun Inthiengtak chu hrilsieng an ta, kulpui ngei khawm chu; chun, pumrawhmang thilinhlân zing zing chu la hmang an ta, sukrêmna intluntu tirdakumna chu sie lem an tih.

DANIEL 12:11

Chun, pumrawhmang thilinhlân rawp hi lâk hmang le, sukrêmna tirdakum intluntu uma inthawkin ni sâng khat za hni sâwmkuo um a tih.

DANIEL 8:13

Chun, mi inthieng pakhat thuhril ka hriet a; chun, mi inthieng dangin tu amanih thuhriltu kuoma chun, “Mipuihai le Hmun Inthiengtak sirdea um ve ve dinga pêk ding le, sukrêmtu bawsietna le, pumrawhmang thilinhlân zing zing chungthua thil hmulâwk hi ieng chen am nîng a ta?” a ta.

DANIEL 9:27

Chun, hapta khat chu mi tamtak leh thuthlung dettak siem a ta, chun, chu hapta chenve kâr chun inthâwina le thilinhlân chu suktâwp a tih; chun, tirdakumna thla chunga chun sukrêmtu inumtirtu ding chu hung a ta, a tâwpna ding ruot chen chun; chun, sukrêmtu chunga chun lunginsenna chu buok ni tâng a tih,” tiin.

MATTHAI 13:51

Chun, Isûn an kuomah, “Chuong po po chu in hriet am?” a ta. Anni chun a kuomah, “Hre e,” an ta.

1 KORINTH 14:20

Unauhai, lungril tieng naupang naw ro; nisienlakhawm, suol kawnga chu nautê ang ni unla, lungril tienga chun puitling ro.

THUPUONGSUO 1:3

Hi hrillâwkna bu thu tiemtu le ngaia a sûnga thu ziek pawmtuhai chu an hamṭha; a hun chu a hnai ta si a.

THUPUONGSUO 13:18

Hitaka hin varna inlang theina a um. Hriet theina nei chun Sahrâng nambar chu sût raw se; mihriem nambar a ni si a; a nambar chu za ruk sâwmruk paruk a nih.