MARKA 12:7 - Pathien Lekhabu Inthieng (BSI)

⁷ Nisienlakhawm, chuong lo enkawltuhai chun, ‘Hi mipa hi rohluotu ding chu a nih; that ei tiu khai; chuongchun, a ro hluo dinghai hi ei ta a ni el ding a nih,’ an in ti a.

MARKA 12:7 ပူးပေါင်းရင်းမြစ်များ

INṬANNA 3:15

nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.

INṬANNA 37:20

Thaw ro, that ei ta, khur pakhatah thlâk ei tiu khai; chun, ‘Sain a se tah,’ ei ti el ding annâwm: chuongchun, a manghai chu iengtin am a um hre el ei tih,” an inti tâwl a.

ISAI 49:7

Lalpa Israelhai intlantu le an Mi Inthieng chun, nasataka hmusita um le hnamhai iten, rorêltuhai siehlaw kuoma chun hieng ang hin a hril, “Lalpa ringum, Israelhai Mi Inthieng, nangma thlangtu lei khan lalhaiin hmûng an ta, tho an tih; mi lienhai khawma chibai bûk an tih,” tiin.

MATTHAI 2:16

Chun, Herodin mi varhai hlêmin a um ti ân hriet phingin a lung a sen bêk bêk a, mi a tir a, a hun laitak thu mi varhai nguntaka ân dawn suo ang khan, Bethlehem le a vêl po poa pasal naupang kum hnia inthawka hnuoitieng po po chu an rêngin a that ta vawng a.

MATTHAI 21:34

Chun, a ra lo a hun ding chun, a ra lo dingin lo enkawltuhai kuomah a suokhai a tir a.

MARKA 12:12

Chun, ama chu man an tum ta a, nisienlakhawm, mipui an ṭi si a, chu tekhithu chu anni demin a hril a nih ti an hriet si a. Chuongchun, ama chu an mâksan a, an fe hmang ta a.

MARKA 12:6

Chun, pakhat, naupa dittak chu a la nei a, ‘Ka naupa hi chu inza êm naw ni hai am,’ tiin ama chu a nuhnungtakah an kuomah a tir a.

MARKA 12:8

Chuongchun, ama chu an lo man a, an sukhlum a, grêp huona inthawk chun an the suok ta a.

THILTHAWHAI 2:23

Nangni ngeiin in hriet ang khan; kha mipa kha Pathien rêl tlat le hriet lâwk angin an inmantir a, nangnîn mi suolhai kutin krawsah in hemde a, in sukhlum ta a.

THILTHAWHAI 5:28

“Hi hming hin inchûktir lo ding kan ti tlat ta cheu kha; hre ro, in thu inchûktirin Jerusalem in suksip vawng ta hi; hi mipa thisen maw hi mîn phurtir ṭâl in tum a ni hi,” tiin a suosal a.

THILTHAWHAI 7:52

In thlatuhaiin zâwlnei lai an suknawmnat naw tu am an um a? Mi feltak hung ding thu hril lâwktuhai kha an sukhlum a; tuhin nangni ama inmantirtu le sukhlumtuhai in hung ni tah.

HEBRAIHAI 1:2

hieng ni nuhnunghaia hin eini kuomah a Naupaa chun thu a hril tah. Ama chu iengkim rohluotu dingin a ruot a, amaa bawk chun khawvêlhai chu a siem a.