MARKA 11:33 - Pathien Lekhabu Inthieng (BSI)

³³ Chuongchun, Isu chu an dawn a, “Kan hriet nawh,” an ta. Chun, Isûn an kuomah, “Kei khawmin tu thuin am hieng hi ka thaw a, hril bîk naw ning cheuah,” a ta.

MARKA 11:33 ပူးပေါင်းရင်းမြစ်များ

JOB LEKHABU (THE BOOK OF JOB) 5:13

Mi varhai chu an var vervêknain a âwk a; Mi vervêkhai inrâwnna chu a letlingin a siem hlak.

ISAI 1:3

Bâwngchal chun a pu a hriet a, sabengtung khawma a pu bupêkna a hriet bawk a, Israelhai ruok chun an hriet si naw a; ka mihai chun an ngaituo naw a nih,” tiin.

ISAI 56:10

A râl vêngtuhai chu an mit ân del a, hrietna nei naw ruok an na; ui râwl nei lo ruok an na, an inngak thei nawh; mang nei a, zâl zing a, imu hêmi an nih.

HOSEA 4:6

Ka mihai chu hrietna tlâksam leiin sukbohmang an na, Hrietna chu i dit naw leiin kei khawma ka thiempu i ninaa inthawk chun dit naw ve tâng ka ti che. I Pathien dân chu i theinghil vei a, Kei khawmin i nauhai theinghil vêng ka tih.

MATTHAI 15:14

Anni chu pawisa naw ro; ṭhuoitu mitdel an nih. Chuongchun, mitdelin mitdel ma a ṭhuoi chun khurah tla rêl an tih,” a ta, a dawn a.

MATTHAI 16:4

Ruolthar suol tak le uire hmanghai chun inchikna an zawng a; nisienlakhawm, Jona inchikna chau naw chu an kuomah inchikna hrim pêk ni naw ni,” a ta, a dawn a. Chun, anni a fesan a, a fe ta dai a.

MATTHAI 21:27

Chuongchun, Isu an dawn a, “Kan hriet nawh,” an ta. Ama khawm chun an kuomah, “Kei khawmin tu thuin am hieng thil hi ka thaw a hril bîk naw ning cheu.

MARKA 11:32

‘Mihriem thu,’ ei ti el ding am a ni chu?” an ta. Nisienlakhawm, mipui chu an ṭi a, mi po poin Johan chu zâwlnei takin an ngai tâwl si a.

MARKA 12:1

Chun, tekhithuin an kuomah a hril ta a, “Tuin amanih grêp huon a siem a, palin ân huon a, grêp sâwrna ding khur a cho a, in insâng a bâwl a, lo enkawltuhai kuomah thlo hlaw dingin a pêk a, ram dangah a fe ta a.

JOHAN 3:10

Isûn a dawn a, a kuomah, “Israelhai inchûktirtu i ni si a, chuong chu i hriet naw maw?

JOHAN 9:27

Ama chun an kuomah, “Nakie khan ka hril ta cheu kha, in hriet nuom si nawh; iengdinga in hriet nuom nâwk ta am a ni leh? Nangni khawm ama inchûktirhai ni in nuom ve am a nih?” tiin a dawn a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:28

Chun, Pathien hriet an nuom naw leiin, thil mawi naw tak tak thaw dinga a dit naw zâwng lungril nei phalin Pathienin a nghatsan ta a;

2 KORINTH 3:15

Nisienlakhawm, vawisûn chen hin Mosie Lekhabu an tiem po leh an lungrila chun inkhumna chu a um hlak.