MARKA 11:25 - Pathien Lekhabu Inthieng (BSI)

²⁵ Chun, ṭawngṭai dinga in ngîr pha po leh tu chunga khawm thupawi ieng am a nih in nei chun ngaidam ro; vâna in Pa khawmin in bawsietnahai chu a ngaidam theina ding cheu in.

MARKA 11:25 ပူးပေါင်းရင်းမြစ်များ

ZEKARIA 3:1

Chun, thiempu lal Josua Lalpa vântirko hmaa ngîr le, Setan chu a khingpui ni dinga a changtienga ngîr chu a mîn entir a.

MATTHAI 5:23

Chuongchun, maichâm bula i thilpêk în hlân lai taka, i unauin i chungah lungninawna a nei ti i hriet dawk nâwk chun,

MATTHAI 6:12

Kan chunga thil suksuoltuhai kan ngaidam angin, Nang khawmin kan thil suksuolhai mi ngaidam la,

MATTHAI 6:5

“Chun, in ṭawngṭaiin, mi vervêkhai angin in thaw ding a ni nawh, mîn an hmu theina dingin, inkhâwmna inahai, kawtthlêr ṭhuom laitakahai ngir puma ṭawngṭai an ngaina si a. Titakzetin ka hril cheu, an lâwmman chu an hmu zo tah.

LUKA 18:11

Pharisai chu a ngîr a, ama khât chauin hieng ang hin a ṭawngṭai a, ‘Pathien, mi dang hlêpruhai, fel nawhai, uirehai ang ka ni naw lei le, hi siedâwltu ang khawm hi ka ni naw leiin i chungah ka lâwm ie.

LUKA 18:13

Siedâwltu ruok chu hlatakah a ngîr a, vân tieng khawm a dâk ngam naw a, ‘Pathien, kei mi suol hi mi lunginsiet rawh,’ tiin a âwm ân chum ân chum ta lem a.

LUKA 6:37

“Sawisêl naw ro, chuongchun, sawisêlin um naw ti niu. Tukhawm thiemnawah ruot naw ro, chuongchun, inthiemlovin um naw ti niu. Ngaidam ro, chuongchun, ngaidamin um in tih.

EPHESI 4:32

Chun, inlunginsiet tuoa, lainatna neiin um unla, Pathienin Kristaa a ngaidam ang bawk cheuin inngaidam tuo ro.

KOLOSSA 3:13

Tûkhawmin tu chunga khawm thupawi nei ang unla, indaw tuoin, inngaidam tuo unla, Lalpa chun a ngaidam ang tak cheu khan ngaidam ve ro.

JAKOB 2:13

Mi chunga lunginsietna nei naw chu, lunginsietna ṭhang lova rorêl pêkin um a tih, lunginsietna chu rorêlna chunga chun ân suong hlak a nih.

THUPUONGSUO 11:4

Chuong chu Oliv thing pahni le khâwnvar siena pahni, khawvêl Lal hmaa ngîrhai chu an nih.