MARKA 11:23 - Pathien Lekhabu Inthieng (BSI)

²³ Titakzetin ka hril cheu hi, tûkhawm hi tlâng kuoma hin, ‘Insawn la, tuisuorietah dehâwnin um rawh,’ tia a lungrila ringhla lova a iti chu tlung ngei a tih ti ring taphawtin an hril ang phawt chu hmûng an tih.

MARKA 11:23 ပူးပေါင်းရင်းမြစ်များ

INPÂKNA HLABU 37:4

Lalpa chunga chun lâwm bawk la, Chuongchun, i lungril dit zâwnghai chu pêng a ti che.

MATTHAI 14:13

Chun, Isûn chu chu a hrietin, chutaka inthawkin thlalêr hmun tieng lawngin a tumin a fe ta a. Nisienlakhawm, mipuihai chun an hriet phingleh khuoa inthawk dâm chun kea fein an zui ta a.

MATTHAI 17:20

Ama chun an kuomah, “In ringna tlâwm leiin. Titakzetin ka hril cheu hi, anṭam mu mal khat ang ringna in nei chun, hi tlâng kuoma hin, ‘Hitaka inthawkin saw taka sawn vân sawn rawh,’ tîng in ta, insawn el a tih; in ta dingin thaw thei naw hrim hrim iengkhawm um naw ni.

MATTHAI 21:21

Chun, Isûn an kuomah, “Titakzetin ka hril cheu hi, ringna in nei a, in ringhla naw chun, theichang chunga thaw ang chau hi thaw naw ti niu a, hi tlâng kuoma khawm hin, ‘Lo insawn la tuisuorietah lo inpei rawh,’ in ti chun, in ti ang chun lo um a tih.

LUKA 17:6

Chun, Lalpa chun, “Anṭam mu mal khat ang ringna in nei chun, hi thingtheihmi kûng kuoma hin, ‘Hung inphawi la, tuisuorietah lo inphun rawh,’ tîng in ta, in thu awi el a tih.

JOHAN 14:13

Chun, keia hminga iengkhawm in hni taphawt chu, thaw pei ka tih, Pa, Naupa leia chawimawia a um theina dingin.

JOHAN 15:7

Nangni keimaa in um zing a, ka thu nangnia a um zing chun, in dit dit hni ro, in ta dingin thawin um pei a tih.

1 KORINTH 13:2

Chun, thu hril theina neiin, thurûk po po le hrietna po po hre vawng lang khawm, tlâng sawn theina khawp hiel ringna famkim nei lang khawm, hmangaina ka nei si naw chun iengkhawm ni naw ning.