MARKA 11:1 - Pathien Lekhabu Inthieng (BSI)

¹ Chun, Jerusalem an tlung tâwm a, Oliv tlânga Bethphage le Bethani khuo kâwl an tlungin, a închûktirhai laia mi pahni a tir a,

MARKA 11:1 ပူးပေါင်းရင်းမြစ်များ

2 SAMUEL 15:30

Chuongchun, David chu Oliv tlâng hang fenaa chun a hang fe a, fe malam chun a ṭap malam pei a, a lu a khum a, ke ruokin a fe a; chun, a kuoma mi po pohai chun an lu an khum seng a, ṭap pum peiin an hang fe a.

ZEKARIA 14:4

Chu nia chun a kehai chu Oliv tlânghai, Jerusalem sak ela umhai chunga chun ngîr a ta, chun, Oliv tlânghai chu a laia chun saktieng le thlangtienga chun kakintan a ta, chuongchun, ruom nasatak hung um a tih; chun, chu tlâng chenve chu hmârtieng insawn a ta, a chenve dang chu simtieng insawn a tih.

MATTHAI 21:17

Chun, anni chu a mâksan a, khawpuia inthawk chun a suok a, Bethaniah a fe a; chutaka chun a riek ta a.

MATTHAI 24:3

Chun, Oliv tlânga a ṭhung laiin inchûktirhai chu anni khâtin a kuomah an hung a. “Chuong chu iengtik am hung um a ta? I hung nâwkna le khawvêl tâwpna inchikna chu ieng am nîng a ta? mi hril rawh,” an ta.

MATTHAI 26:30

Chun, hla an sak zoin an suok a, Oliv tlânga chun an fe ta a.

MARKA 11:2

an kuomah, “In hma zâwn khuoa sawn fe unla; chun, in hei lût hlimin sabengtungte thlung, tukhawm la chuongna ngainaw va hmûng in ta; chu chu sût unla hung kei ro.

MARKA 13:3

Chun, Oliv tlâng Pathien biekin zâwna a ṭhung laiin Peter hai, Jakob hai, Johan hai, Andri hai chun a kuomah, “Chuong chu iengtik am hung um a ta?

MARKA 14:13

Chuongchun, a închûktirhai laia mi pahni a tir a, an kuomah, “Khawpuiah va lût unla, pasal bêla tui putin intuokpui a ti cheu a, ama chu zui lût ro.

MARKA 6:7

Chun, sâwm le pahni hai chu a ko a, pahni peiin a tir suok ta a; khawhri inthieng nawhai chunga thuneina a pêk bawk a.

JOHAN 8:1

Isu ruok chu Oliv tlângah a fe ta lem a.

THILTHAWHAI 1:12

Chun, Oliv tlâng an tia inthawk chun Jerusalemah an kîr nâwk ta a; chu tlâng chu Jerusalem kâwl a nih. Châwlnia lêngna tâwk chau a nih.