MARKA 10:4 - Pathien Lekhabu Inthieng (BSI)

⁴ Chun, anni chun, “Mosie chun inmâkna lekha inziekin mâk a phal hlak a nih,” an ti a.

MARKA 10:4 ပူးပေါင်းရင်းမြစ်များ

ISAI 50:1

Lalpa chun hieng ang hin a tih, “In nu mâkna lekha, ka mâkna chu, khaw lai am a um a? Annawleh, ka leibatnahai a tu tak kuom âm ka zawr cheu a? Ngai ta u, in khawhlonahai leiin a nih zawra in um chu, in bawsietnahai leiin a nih in nu khawm kha mâka a um chu.

JEREMIA 3:1

“Mîn a nuhmei a mâk a, amanu chun a suoksan a, pasal dang nuhmei a hung ni ta chun, ama chu, chu nu kuoma chun a kîr nâwk ding am a nih? Chuong a ni chun chu ram chu nasataka sukpawrche a ni naw ding maw? Nang khawm chu, ngaizâwng tamtakhai le chun nawchizawr angin i lo khawsa ta a, ka kuomah i la hung kîr rawp ding a ni? Lalpa chun a tih.

MATTHAI 1:19

Chun, a pasal Josef chu mi feltak a na; tlâng ihriet a nuom naw a; arûka mâk el a nuom a.

MATTHAI 19:7

Anni chun a kuomah “An leh iengdinga Mosiein inmâkna lekha pêka mâk ding thu a pêk si am a na?” an ta.

MARKA 10:3

Ama chun an kuomah, “Mosien iengtin am thu a pêk cheu a?” tîn a dawn a.