MARKA 10:39 - Pathien Lekhabu Inthieng (BSI)

³⁹ Chun, anni chun a kuomah, “Thei e,” an ti a. Chun, Isûn an kuomah, “Ka no dâwn ding chu dâwn in ta, ka baptisma chang ding khawm chu chang vêng in tih;

MARKA 10:39 ပူးပေါင်းရင်းမြစ်များ

MATTHAI 10:25

Inchûktir chu inchûktirtu anga a hung um le, suok chu a pu anga a hung um chu a hun deh. In neitupa hman Beelzebub an ti chun, a sûnghai chu an va ti nasa awm deh e!

MATTHAI 3:6

an suolhai thupha chawiin Jordan vadungah ama kuomah Baptisma an chang tâwl a.

MARKA 14:31

Ama ruok chun nasatakin, “I thinaa chun thi ve ding ni lang khawm, inphat naw tawp ka ti che,” a ta. Chuongchun, ama ang chun an ti ta seng a.

MARKA 14:36

“Abba, (Pa,) iengkim i thaw thei a, hi no hi ka kuoma inthawkin la sawn rawh; nisienlakhawm, keia thu ni lovin, nangma thu thu ni lem raw se,” a ta.

JOHAN 13:37

Peterin a kuomah, “Lalpa, iengdingin am tu khawm hin zui thei nâwng ka ti che a? Nangma leiin ka hringna pêng ka tih,” a ta.

JOHAN 15:20

‘Suok a pu nêkin a ropui nawh,’ ti thu ka hril ta cheu kha hre zing ro. Annîn kei an mi suknawmna ta chun, nangni khawm suknawmnâng an ti cheu; ka thu an zâwm ta chun nangni thu khawm zâwm an tih.

JOHAN 17:14

I thu an kuomah ka pêk tah; chun, khawvêlin anni chu an theida a, khawvêla mi an ni naw leiin, kei khawvêla mi ka ni naw ang bawkin.

THILTHAWHAI 12:2

Jakob, Johan unau chu, kâwlhnâmin a sâthlum a.

KOLOSSA 1:24

Tuta ka tuorpêkna cheua hin ka lâwm a, Krista rinum tuor bâk chu a taksa leiin ka taksaa hin ka sunzawm pei a nih, a taksa chu kohran hi a nih.

THUPUONGSUO 1:9

Kei Johan, in unaupa le, Isu rinumna dâm, khuoletui dâm, selna dâm inṭâwmpuitu cheu hi, Pathien thu lei le, Isu inhriettirna thu leiin Patmos thlierkâr an tia chun ka um a.