MARKA 10:33 - Pathien Lekhabu Inthieng (BSI)

³³ “Ngai ta u, Jerusalemah ei hang fe nâwk ding a ni hi; Mihriem Naupa hi thiempu lalhai le Dân inchûktirtuhai kuoma inmantirin a la um ding a nih. Anni chun thi dingin a chungah thu rêlthlûng an ta, Jentailhai kuomah pêng an tih.

MARKA 10:33 ပူးပေါင်းရင်းမြစ်များ

ISAI 53:3

Ama chu mihriemhai hmusit le dit nawin a um a; lungngainahai nei mi le natna hre mi a na, mihaiin an hmai an hipsan ang ang chun ama chu hmusitin a um a, eini hlak chun ama chu ei ngaisâng si nawh.

MATTHAI 16:21

Chu chena inthawk chun, Isûn Jerusalema a fe dingzie dâm, upahai, thiempu lalhai, Dân inchûktirtuhaia inthawka thil tamtak a tuor dingzie dâm, sukhluma a um dingzie dâm le ni thum nia keithoa a um dingzie dâm chu a inchûktirhai chu ân hriettir phut ta a.

MATTHAI 26:66

Anni chun, “Thi tlâk a nih,” tiin an dawn a.

MATTHAI 27:2

chun, an khuop a, an ṭhuoi a, Bawrsâp Pilat kuomah an pêk ta a.

MARKA 14:64

Pathien a hrilsietzie hlak chu in hriet ta a; iengtin am in ngai?” a ta. Chun, an rêngin ama chu thi tlâkah an ruot tâwl ta a.

MARKA 15:1

Chun, zîngkâr a hung ni phingleh thiempuhai chu upahai le Dân inchûktirtuhai le rorêltuhai po po leh an inrâwn a, Isu chu an phier a, an ṭhuoi a, Pilat kuomah an pêk nghâl ta a.

MARKA 8:31

Chun, Mihriem Naupa chun thil tamtak a tuor dingzie dâm, upahai, thiempu lalhai le, Dân inchûktirtuhai dit nawa a um ding dâm, sukhluma a la um ding dâm, ni thum hnunga a thonâwk dingzie dâm anni ân chûktir ṭan ta a.

MARKA 9:12

Ama chun an kuomah, “Elija chu hung hmasa hrim a ta, iengkim a siem ṭha ding a nih: thil tamtak tuorin, mi hmusitin a um ding a nih ti Mihriem Naupa chanchin iengtiziea ziek am an na?

MARKA 9:31

A închûktirhai chu a hril a, an kuomah, “Mihriem Naupa hi mihriemhai kuta inmantirin a um ding a nih, sukhlum bawk an ta; chun, sukhlum hnung ni thum chenah tho nâwk a tih,” a ta.

LUKA 23:21

nisienlakhawm, an khêk a, “Krawsah hemde rawh, krawsah hemde rawh,” an ta.

LUKA 9:22

“Mihriem Naupa hin thil tamtak a tuor ding a na, upahai, thiempu lalhai, Dân Inchûktirtuhai dit nawin a um ding a na, thatin a um ding a na, ni thum niah keithoin a um bawk ding a nih,” a ta.

JOHAN 18:28

Chun, Isu chu Kaiapha ina inthawk chun lal inah an ṭhuoi nâwk a. Zingkâr a na; chun anni chu lal inah an lût nawh, chuong naw chun, inthieng naw nîng an ta, Fekân Ruoiṭhe fa thei naw ni hai.

JOHAN 18:32

(A thizie ding thu, Isûn a hril anga, a tlungna dingin).

JOHAN 19:11

Isûn, “Chungtienga inthawka pêk i ni naw chun, ka chunga hin thaw thei hrim hrim nei naw ti ni; chuleiin, i kuoma mi petu khan suol a phur zuol a nih,” a ta.

THILTHAWHAI 13:27

Jerusalema umhaiin, an hotuhai leh, ama chu an hriet naw lei le, zâwlneihai thu, Châwlni taphawta tiem hlak kha, an hriet bawk naw leiin, ama chu thiemnaw inchangtirin, chu thu chu an hlen ta a.

THILTHAWHAI 20:22

Chun, hre ro, tuhin lungrila fe lo thei lova kân hriet leiin, Jerusalemah ka fe ding a ni hi, chutaka chun ka chunga thil hung tlung ding chin ka hriet nawh.

JAKOB 5:6

Mi fel chu thiemnaw in inchangtir a, in that ta a; ama chun a kal naw cheu.