MARKA 10:27 - Pathien Lekhabu Inthieng (BSI)

²⁷ Isûn anni chu a en a, “Chu chu mihriem ta dingin thaw ruol a ni naw a, Pathien ta ding ruok chun thaw ruol lo a ni nawh; Pathien ta dingin iengkim thaw thei a ni si a,” a ta.

MARKA 10:27 ပူးပေါင်းရင်းမြစ်များ

2 LALHAI 3:18

Chun, hi thil hi Lalpa mithmua chun thil chitê a na, chun, Moab mihai khawm chu in kutah pe bawk a ti cheu.

2 LALHAI 7:2

Chun, sipai hotu, lalin a kut a ihung ringsan chun, Pathien mi chu a dawn a, “Ngai ta, Lalpain vânah tukver a hawng ding a ni chu aw! Chuong ang chu a ni thei hlak ding am a nih?” a ta. Chun, ama chun, “Ngai rawh, i mit chun chu hmu ngei i ta, a fâk ruok chu i fâk naw ding a nih,” a ta.

JOB LEKHABU (THE BOOK OF JOB) 42:2

“Thil po pohai chu i thaw thei vawng ti ka hriet a, I thiltum khawm dang ruol a ni naw a.

JEREMIA 32:17

‘Aw Lalpa Pathien; i bân phar le i thilthawtheina ropuitak chun vân le hnuoi chu i siem a; nanga ta ding chun iengkhawm intak taluo a um naw a;

JEREMIA 32:27

“Ngai ta, mi tinrêng Pathien, Lalpa chu ka nih, keia ta dingin thil intak taluo a um am a nih?

ZEKARIA 8:6

Sipaihai Lalpa chun hieng hin a tih, “Chuong nihaia chun hi chi hlaa umhai mithmua hin a mak hle chun, keia mithmua khawm a mak hle naw ding am a nih?” sipaihai Lalpa chun a tih.

MATTHAI 19:26

Chun, Isûn anni chu a en a, an kuomah, “Chu chu mihriem ithaw ruol a ni naw a; Pathien ding ruok chun iengkim thaw thei a nih,” a ta.

MARKA 10:26

Chun, anni chun mak an ti nasa bêk bêk a, a kuomah, “Anleh, tu am sandam ni thei an ti leh?” an ta.

LUKA 1:37

Pathien ta ding chun thaw thei naw iengkhawm a um si naw a,” a ta.

LUKA 18:27

Ama ruok chun, “Mihriem thaw ruollo hi Pathien thaw thei a nih,” a ta.

PHILIPPI 3:21

Ama chun a sinthawin iengkim khawm ama thu thuin ân umtir thei, chu thawzie ang pei chun ei tlâwmlai taksa hi, ama taksa ropui anga um dingin siem ṭha nâwk a tih.

HEBRAIHAI 11:19

Pathienin mithi laia inthawkin a keitho thei ti hrein chutaka chun thi ta hnung keitho angin a hmu nâwk ta ngei bawk a.

HEBRAIHAI 7:25

Chuongchun, amaa Pathien kuoma hunghai chu a tâwp khâwk chenin a sandam thei bawk a nih; anni ṭawngṭai pêk dingin chatuona a hring zing leiin.