MARKA 10:24 - Pathien Lekhabu Inthieng (BSI)

²⁴ Chun, inchûktirhai chun, a thu hril chu mak an ti hle a, Isu ruok chun a dawn nâwk a, an kuomah, “Nauhai, sum ringhai ta ding chun Pathien rama lût a vân tak hlak de aw;

MARKA 10:24 ပူးပေါင်းရင်းမြစ်များ

INPÂKNA HLABU 17:14

Aw Lalpa, i kutin mihriemhaia inthawkin, Khawvêl mihriemhaia inthawk hin sanhim la, Anni chanvo chu hi dam sûnga an nei hi a na, An phîng chu i roin i suksippêk hlak a; Nauhai lungawi tâwk zetin an nei a, An sum hmang mahla chu an nautesenhai an thisanpêk hlak.

INPÂKNA HLABU 52:7

“En ta u, hi mi hi a nih, Pathien a kulbînga siem nuom lo a, A hausakna nasatak ring lem a, A suolnaa insukhrât vei chu,” tiin.

INPÂKNA HLABU 62:10

Nêksâwrna hi ring naw unla, Inrûknaa chun beiseina teplo innghat naw ro, Hausakna hung pung sien khawm, a chunga chun in lungril innghat bawk naw ro.

THUVARHAI 11:28

A hausaknahai ring mi chu tlûng a ta, Mi fel ruok chu hna hring angin inno a tih.

THUVARHAI 18:11

Mi hausa hausakna chu a khawpui dettak a na, Ama ngairuotnahaia ngei chun bang insâng ang a nih.

THUVARHAI 23:5

A um naw chunga chun i mithai chu infûktir naw la, Hausaknahai chun thlahai an insiempêk ngei ngei hlak si a; Muvânlai vântienga vuong hlak ang el chun.

JEREMIA 9:23

Lalpa chun hieng hin a tih: mi var chun a varna suong naw raw se; mi thilthawthei khawm chun a thilthawtheina suong bawk naw raw se; mi hausa khawm chu a hausakna suong bawk naw raw se;

HABAKKUK 2:9

Mi suol kuta inthawka sansuok a ni theina dinga, A bû insângtaka a sep theina dinga, A insûng ta dinga hlâwkna indik naw latu chu a chung a rik ie!

ZEPHANIA 1:18

Lalpa lunginsenna nia chun an tangkain amanih, an rângkachakin amani khawm sansuok thei naw ni a; amiruokchu, ram pumpui chu a thîkna mei chun kâng hmang a tih; tâwpna chu, anih, rama chêngtuhai po po tâwpna râpthlâktak el chu ân tlungtir vak ding a ni si a.

MATTHAI 19:25

Chun, inchûktirhai chun chu chu an hriet chun, mak an ti nasa bêk bêk a, “Tu am sandam ni thei a ta?” an ta.

MARKA 1:27

Chun, an rêngin mak an ti ta bêk bêk a, chuongchun, “Ahi ieng am a ni ta leh, inchûktirna thar a ni hi tên! Khawhri inthieng naw khawm thuneitakin thu a pêk a, a thu an awi pei el hi,” tiin an insêl a.

MARKA 10:23

Chun, Isûn a en vêl a, a închûktirhai kuoma chun, “Sumhauhai chu Pathien rama lût a vân tak âwm de e,” a ta.

LUKA 16:14

Chun, Pharisai tangka ngainatuhai chun chuong thu chu an hriet a, an nuisan a.

JOHAN 13:33

Nauhai, sâwt nawtê in kuomah ka la um hri hi, nangnîn mi zawng in ta; chun, Judahai kuoma, ‘Ka fena dingah hung thei naw ti niu,’ ti ka hril ang khan, tuhin chuong ang bawk chun in kuomah ka hril hi.

JOHAN 21:5

Chun, Isûn an kuomah, “Nauhai, iengkhat fâk ding in nei am?” a ta. Anni chun a kuomah, “Nei lo,” an ta, an dawn a.

JOHAN 6:60

Chuongchun, a închûktirhai tamtakin chuongchu an hrietin, “Hi hi thu khir tak a nih, tuin am ngai phâk an ta?” an ta.

GALATI 4:19

Ka nauhai, Krista chu nangnia siem puitlinga a um hmakhat chu nauha invawiin kân vawi nâwk cheu hi.

1 TIMOTHE 6:17

Hi khawvêla hausahai hi chapo naw ding le sum ringum nawah an beiseina innghat lova, thil po po lâwmna dinga mi petu Pathien chunga chun innghat lem dingin kâwk rawh.

1 JOHAN 2:1

Ka nauhai, thil in suksuol nâwna dingin hieng thu hi in kuomah ka ziek a ni hi. Tûkhawmin thil a suksuol chun, Pa kuoma mi hrilpuitu Isu Krista mi fel chu ei nei.

1 JOHAN 4:4

Nauhai, Pathiena inthawk in na, chuong chu in hne tah, nangnia um chu khawvêla um nêk chun a ropui lem leiin.

1 JOHAN 5:21

Nauhai, milima inthawkin in siekieng ro.

THUPUONGSUO 3:17

‘Ka hausa a, sum ka hau a, iengkhawm ka tlasam nawh,’ i ti lei le, nang mi rimsi, lungsietum, pasie, mitdel, saruok chu i ni ti în hriet naw leiin,