MARKA 10:21 - Pathien Lekhabu Inthieng (BSI)

²¹ Chun, Isûn ama chu a en a, a hmangai ta a, a kuomah, “Kawng khat i la bâk, fe la, i nei taphawt zawr la, pasiehai kuomah pe rawh, chuongchun, vânah ro nei i tih; chun, hung la mi hung zui rawh,” a ta.

MARKA 10:21 ပူးပေါင်းရင်းမြစ်များ

INṬANNA 34:19

Chuongchun, tlangvâl chun Jakob naunu chu a dit hle si a, chu thil chu sâwt nghâk lovin a thaw nghâl ta a; ama chu a pa sûnghai laia inzâkai tak a nih.

THUVARHAI 23:23

Thutak chu inchaw la, zawr ta naw rawh, Anih, varna dâm, inchûktirna dâm le hrietthiemna dâm khawm chu.

MATTHAI 16:24

Chun, Isûn a închûktirhai kuomah, “Tukhawmin mi zui a nuom chun, mâni inhnâwlin, a kraws putin, mi zui raw se.

MATTHAI 19:21

Isûn a kuomah, “Ṭha famkima um i nuom chun, fe la, i nei chu zawr la, pasiehai kuomah pe rawh; chuongchun, vânah ro nei i tih; chun hung la, mi hung zui rawh,” a ta.

MARKA 10:22

Nisienlakhawm, chuong thu lei chun a hmêl chu a hung inthim khup el a, lungzîngtakin a fe hmang ta a, sum tamtak nei mi a ni si a.

MARKA 8:34

Chun, mipuihai chu a închûktirhai le chun a ko a, an kuomah, “Tukhawm a mi zui nuom chun mâni inhnâwlin, a kraws putin mi zui raw se.

LUKA 10:42

thil pakhat chau a pawimaw; Mariin chan ṭha a thlang a, chu chu lâkpêk ding a ni nawh,” a ta, a dawn a.

LUKA 12:33

In nei taphawt chu zawr unla, pasiehai kuomah pe ro; vânah rukru fe nawnaah, hângthim fâk siet nawnaa chun, tangka ip hlui thei nawhai, ro inhmang thei nawhai, inkhâwl ro.

LUKA 16:9

“Ka hril cheu hi, sum tehlêmin in ta dingin ruolhai siem ro; sum a bohmang pha leh chatuona umnaa chun inumtira in umna dingin.

LUKA 18:22

Chun, Isûn chu chu a hrietin a kuomah, “Tu khawm hin kawng khat i la bâk ie; i nei po po zawr la, pasiehai kuomah sem rawh, chuongchun, vânah ro nei i tih; chun, hung la, mi hung zui rawh,” a ta.

LUKA 19:41

Chun, a tlung ding ṭepin, khuo chu a hmu a, a ṭap ngha a,

LUKA 9:23

Chun, ama bawkin mi po po kuomah, “Tûkhawmin mi zui a nuom chun mâni inhnâwlin, ni tin a kraws putin mi zui raw se.

JOHAN 12:26

Tûkhawmin ka rawng a bâwl chun mi zui raw se; ka umnaah ka rawng bâwltu khawm um a tih. Tûkhawmin ka rawng a bâwl chun ama chu Pain chawimawi a tih.

JOHAN 16:33

Hieng thu hi in kuomah ka hril ta hi, keimaa in thlamuongna dingin. Khawvêla hin rinumin in um hlak; nisienlakhawm, thlamuongtakin um ro, keiin khawvêl ka hne tah,” a ta.

THILTHAWHAI 2:45

an thil neihai, an thuomhnawhai an zawr a, an mamaw dai tâwk seng chauin an rênga kuoma chun an sem hlak a.

2 KORINTH 12:15

Kei chu ka nei po po in thlarau ta dingin lâwm takin hmang zo ka ta, kei ngei khawm inhmang zo vawng bawk ka tih. Chuong lâwma ka hmangai si cheu chun in mi hmangai tlâwm lem bîk el ding maw?

2 TIMOTHE 3:12

Anih, tûkhawm Krista Isua Pathien ngaisaka um tum taphawt chun suknawmnatnahai tuor bawk an tih.

HEBRAIHAI 10:34

Kawlbunhai chu in lainat a, thil ṭha lem, um sawng bawk ding chu, mâniin in nei ti hrein, in thilneihai lâkpêka in umnaa khawm lâwmtakin in lo tuor ta a.

JAKOB 2:10

Tûkhawmin Dân zâwm kim sienla khawm, kawng khatah a suksuol si chun, a rênga chun thiemnaw changin a um ta a nih.

THUPUONGSUO 2:14

Nisienlakhawm, tlâwmin demna che ka nei: Balaam inchûktirna pawmtu mi ṭhenkhat i kawl a, ama chun Balak chu Israel mipuihai sukthlû a, milim biekna sa infâktir ding le, inditna suola intlûktir dingin ân chûktir a nih..

THUPUONGSUO 2:20

Nisienlakhawm, demna che ka nei; nuhmei, Jezebel, Zâwlneinu inti kha, i ngai thei leiin; ama chun ka suokhai chu indit le milim biekna thil fâk inchûktirin, a ṭhuoi hmang bawk hlak a nih.

THUPUONGSUO 2:4

Nisienlakhawm, demna che ka nei a nih, i hmangaina hmasatak kha i bân tâk leiin.