MARKA 1:32 - Pathien Lekhabu Inthieng (BSI)

³² Chun, zântienga nisa tlâk hnung chun, damnaw po po le khawhri iman dâm a kuomah an hung ṭhuoi a.

MARKA 1:32 ပူးပေါင်းရင်းမြစ်များ

MATTHAI 4:24

Chun, Suria ram po poah a chanchin ân thang ta a; chuongchun, mi damnaw po po, damnawna le natna tinrênga nahai, khawhri imanhai, hringawl invawihai, zenghai a kuomah an hung ṭhuoi a, a lo sukdam tâwl a.

MATTHAI 8:16

Chun, khuo a hung inhnu chun, a kuomah khawhri imanhai tamtak an hung ṭhuoi a; thuin khawhrihai chu a hnawt dawk a, damnaw po po chu a sukdam bawk a:

MATTHAI 8:17

zâwlnei Isaiin, “Ama ngeiin ei hrâtnawnahai a lâk a, ei natnahai a phur a,” tia a hril kha a hung tlung theina dingin.

MARKA 1:21

Chun, Kapernaumah an va fe a, chun Châwlni chun inkhâwmna inah a lût a, ân chûktir nghâl ta a.

MARKA 1:31

chun, ama chun, a kut a va chel a, a keitho ta a. Chuongchun, a khawsik chu a bo ta a, an rawng a bâwlpêk ta a.

MARKA 3:2

Chun, ama an hêk theina dingin Châwlnin a sukdam ding le sukdam naw ding an enthlit a.

LUKA 4:40

Chun, nisa tlâk ding laiin natna tum tuma na, damnaw nei taphawtin a kuomah an hung ṭhuoi a; chun, an rênga chunga chun kut ân nghat seng a, a sukdam ta pei a.

LUKA 4:41

Chun, khawhrihai khawm, “Pathien Naupa i nih,” tia khêkin, mi tamtak sûnga inthawkin an hung suok a. Chun, anni a hal a, Krista a nih ti an hriet leiin an ṭawng a phal naw a.