MARKA 1:24 - Pathien Lekhabu Inthieng (BSI)

²⁴ ama chun, “Nazareth Isu, keini le nang ieng am ei inzâwlna a um a? Mi sukbohmang dingin i hung am a nih? Nang ka hriet che, Pathien mi inthieng i nih,” tiin a khêk suok nghâl ta a.

MARKA 1:24 ပူးပေါင်းရင်းမြစ်များ

INPÂKNA HLABU 16:10

Ka thlarau chu Seol kuomah i mâksan âwm si naw a, I mi inthieng hi hmawnna hmu i phal âwm bawk si naw a.

FESUOKNA 14:12

Aiguptaa khawm Aigupta mihai rawng kan bâwl theina dingin mi tosan el rawh, ‘Thlalêra kan thi hmang nêk chun Aigupta mihai rawng hi bâwl inlang kan ta dingin a ṭha lem si a,’ tia i kuoma kan hril kha hi hi a ni ta ngei ni lo am a nih?” an ti a.

DANIEL 9:24

Hapta sâwm sarihai chu i mihai le khaw inthieng ta dinga bawsietnahai insûmna ding le suolnahai bânsanna ding le, khawhlona ta dinga inremna siema, kumkhuoa felna chu insuona ding le, thilhmulâwk le hrillâwkna chu khârkhumna ding le, Hmun Inthiengtak chu hriek nâlna hun dinga pêk a nih.

MATTHAI 2:23

Khuo pakhat Nazareth an tia chun a va um ta a: “Ama chu Nazareth mi tîng an tih,”tia zâwlnei baua an hril kha a hung tlung theina dingin.

MATTHAI 8:29

Chun, ngai ta, anni chun, “Pathien Naupa, nang le keini ieng am ei inzâwlna? A hun tlung hmain a mi sawisa dinga hitaka hung am i nih?” tiin an khêk a.

MARKA 1:23

Chun, an inkhawmna ina chun khawhri inthieng naw nei mi pakhat a lo um a;

MARKA 1:25

Chun, Isûn a hal a, “To la, a sûnga inthawkin hung suok rawh,” a ta.

MARKA 10:47

Chuongchun, Nazareth Isu a nih ti a hriet phingin, “Isu David naupa, mi lunginsiet rawh,” tiin a khêk ta a.

MARKA 14:67

Peter mei lum awi chu a hma a, a en zing a, “Nang khawm hi Isu Nazareth mi kuoma um kha i ni hi,” a ta.

MARKA 16:6

Chuongchun, ama chun an kuomah, “Lunginzing naw ro, Isu Nazareth mi, an hemde kha in zawng a ni âwm a, a thonâwk ta a, hi hin a um ta nawh; en ta u, an inzâlna hi.

MARKA 5:7

Chun, râwl inringtaka khêkin, “Isu, Pathien Chunghnungtak Naupa, kei le nang ieng am ei inzâwlna a um a? Mi sawisa naw hrâm dingin Pathien hmingin ka ngên ṭal che a nih,” a ta.

LUKA 1:35

Chun, vântirko chun a dawn a, a kuomah, “Thlarau Inthieng i chungah hung tlung a ta, Achunghnungtak thilthawtheina chun hliekhûng a che; chuleiin, naupang hung pieng ding khawm chu mi inthieng, Pathien Naupa tîng an tih.

LUKA 24:19

Ama chun an kuomah, “Ieng thil am ie?” a ta. Anni chun a kuomah, “Nazareth Isu, Pathien le mi po po mithmua, a thu le a thilthaw zâwlnei hminginthang tak chanchin thu;

LUKA 4:34

“A! Nazareth Isu, keini le nang ieng am ei inzâwlna? A mi sukbohmang dingin i hung a ni maw? Nang ka hriet che, Pathien Mi Inthieng i nih,” tiin a khêk suok a.

LUKA 8:28

Chun, Isu a hmu phingleh a khêk a, a hmaah a bawkkhup a, râwl inringtakin, “Isu, Pathien Achunghnungtak Naupa, kei le nang ieng am ei inzâwlna a um a? mi sawisa lul naw rawh, ka ngên che,” a ta.

LUKA 8:37

Chun, a vêl Gerasin mihai rama mi po po chun an ṭi ta bêk bêk leiin, ama chu an kuoma inthawka fe hmang dingin an ngên a; chun, lawngah a chuong a, a kîr nâwk ta a.

JOHAN 6:69

Nang Pathien mi inthieng chu i nih ti kan awi ta a, hriet khawm kan hriet ie,” a ta, a dawn a.

THILTHAWHAI 2:27

Ka thlarau mithi khuoah mâksan naw ti ni a, I mi inthieng hmawnhmangna hmu khawm phal naw ti ni a;

THILTHAWHAI 24:5

Hi mipa hi mi theidaumtak, khawvêla Judahai po po chawkbuoitu le, Nazareth pâwla a ṭhuoitu pakhat a nih ti kan hriet a.

THILTHAWHAI 3:14

Mi inthieng le feltak kha in dit naw a, tuolthattu kha in kuoma pêk in ngên ta lem a.

THILTHAWHAI 4:27

“Hi khuoa hin i siehlaw inthieng, i hriek nâl, Isu chunga khan Herod le Pontia Pilat le, Jentailhai le Israel mihai an pungkhâwm tak zet a nih;

JAKOB 2:19

Pathien chu pakhat a ni ti i ring a ni maw? I ti ṭha, khawhrihai khawmin an ring a, an inthin hlak a nih,” tîng a tih.

1 JOHAN 2:20

Mi Inthieng kuoma inthawkin hriek nâlna in chang a, iengkim in hriet a nih.

THUPUONGSUO 3:7

“Chun, Philadelphiaa kohran tirko kuoma chun hieng hin ziek rawh: “ ‘Mi inthieng, mi indiktak, David chabi nei, tu ikhâr lo dinga hawnga, tu ihawng lo dinga khârtu khan, hieng thu hi a hril a nih: