MARKA 1:22 - Pathien Lekhabu Inthieng (BSI)

²² A thu inchûktir chu mak an ti hle a, Dân inchûktirtuhai ang lova, thuneina nei taka anni ân chûktir leiin.

MARKA 1:22 ပူးပေါင်းရင်းမြစ်များ

JEREMIA 23:29

Ka thu chu mei ang a ni nâwm a nih, lungpui khawm suknawitu tubau ang chu? Lalpa chun a tih.

MATTHAI 13:54

Chun, a umna khuo tieng chu a tlung a, an inkhawmna ina chun anni ân chûktir ta a; chuongchun, mak an ti hle a. “Hi mipa hin, hieng varna le, thilmak thaw theinahai hi, khâwlaia inthawka a hmu am a ni leh?

MARKA 1:23

Chun, an inkhawmna ina chun khawhri inthieng naw nei mi pakhat a lo um a;

LUKA 2:47

Chun, a thu hre taphawt chun a hrietzie le a dawnzie chu mak an ti hle a.

LUKA 21:15

in hmêlma po poin an sêl thlâk thei nawna ding bau le varna ka pêk ding cheu a ni si a.

LUKA 4:32

chun, thuneitaka a hril leiin a thu inchûktir chu mak an ti hle a.

JOHAN 7:46

Manmihai chun, “Hi mipa thuhril ang hrim hin tukhawmin thu an hril ngai nawh,” an ta, an dawn a.

THILTHAWHAI 6:10

Nisienlakhawm, a varna le a hrilpuitu Thlarau chu an letthlâk thei naw a.

2 KORINTH 4:2

thil inzâpuium inthuphai chu kan mâk ta lem a; zâwrna thu kan hmang naw a, Pathien thu mi hlêmnain kan hmang bawk naw a; thutak inhriettirin Pathien mithmuin mi tin sie le ṭha hrietna mit kan intlungtir lem hlak a nih.