MARKA 1:10 - Pathien Lekhabu Inthieng (BSI)

¹⁰ Chuongchun, tuia inthawka a hung suok phingle chun, vân inhawnga Thlarau vâṭhu angin ama chunga hung ṭum a hmu ta a.

MARKA 1:10 ပူးပေါင်းရင်းမြစ်များ

ISAI 42:1

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

ISAI 64:1

Tlânghai chu i hmaa an luong thlâk dûl dûl theina dingin vân kha sukthlêrin hung ṭum thei hrâm la chu aw!

EZEKIEL 1:1

Kum sâwmthumna kum, a thla linaa, ni nga ni chun, Kebar vadung panga salhai laia ka um lai chun, vânhai a hung inhawng a, chun, Pathiena thil hmulâwkhai chu ka hmu ta a.

MATTHAI 3:16

Chun, Isu baptisma a chang phingleh, tuia inthawk chun a suok nghâl ta a; chun, ngai ta, a ta dingin vân a hung inhawng a, Pathien Thlarau chu vaṭhu anga hung ṭuma a chunga hung fu a hmu a.

MARKA 1:11

Chun, “Nang ka Naupa dittak i nih, i chungah ka lungni bêk bêk a nih,” tiin vâna inthawkin râwl a hung suok a.

MARKA 1:9

Chuong nihaia chun Isu Galili rama Nazaretha inthawkin a hung a, Jordan vadungah Johan kuomah baptisma a chang ta a.

LUKA 3:22

Thlarau Inthieng chu taksa putin vaṭhu angin a hung ṭum a, a chungah a fu ta a; chun, vâna inthawkin râwl a hung suok a, “Nang ka Naupa dittak i nih; i chungah ka lâwm ngawt el,” a ta.