MALAKI 4:6 - Pathien Lekhabu Inthieng (BSI)

⁶ Ama chun pahai lungril chu nauhai tieng innghatir a ta, nauhai lungril chu an pahai tieng; chuong naw chun hung ka ta, ram chu ṭawngsiein hung hrem rawi ka tih,” tiin.

MALAKI 4:6 ပူးပေါင်းရင်းမြစ်များ

ISAI 11:4

rimsihai chu feltakin ro rêlpêk lem a ta, hnuoia mi thuhnuoirawlhai ta ding chun thlierbîk nei lovin kâwkpêk bawk a tih; a bau hembâwk chun hnuoi hi vuong a ta, a hmûra thuok chun mi rilohai chu that a tih.

ISAI 24:6

Chuleiin, ṭawngsie inphurnain hnuoi a fâk zo a, a umhai chu thiemnaw inchangtirin an um tah; chuleiin, hnuoia umhai chu an kâng hlum a, mi tlâwmte chau an um tah.

ISAI 40:3

Mi khêk râwl chun, “Thlalêrah Lalpa lampui buotsai unla, ram ṭâwla chun ei Pathien ta dingin lamlien sukruol ro.

ISAI 43:28

Chuleiin, hmun inthienga mi lienhai chu sukthieng nâwng ka ta, chuongchun, Judahai chu ṭawngsephurah siem ka tih; Israelhai chu insêlna bûrah siem bawk ka tih.

ISAI 61:2

Lalpa lungawi kum thu le ei Pathien phubalâk ni thu hril ding dâm, lungngaihai po po thlamuon ding dâm,

ISAI 65:15

Chun, in hming chu ṭawng inkhâmna dingin ka mi thlanghai kuoma chun mâksan in ta, Lalpa Pathien chun sukhlum a ti cheu a, chun, a siehlawhai chu hming dangin ko tâng a tih;

DANIEL 9:11

Anih, Israel mihai po po chun i râwl chu awi lo dinga inherhmangin i Dân chu an lo bawsiet ta a; chuleiin, ṭawngsie chu kan chungah, Pathien siehlaw Mosie dâna inkhâmna zieka um le chun buokin a um ta a; chuonga chun thil kan lo suksuol ta si a.

ZEKARIA 11:6

Ram hluotuhai chu ka lunginsiet ta naw ding a ni si a, Lalpa chun a tih; nisienlakhawm, en ta, mihai chu, mi tin el chu mâni tuolbâwmhai kutah pêng ka ta, an lalhai kuta leh; chun, ram chu thâwng an ta, an kuta inthawk chun anni chu sansuok naw ningah,”tiin.

ZEKARIA 13:8

Lalpa chun, “Chu nia chun hieng hi hung nîng a ta, ram po poa chun, chutaka hmun hni chu sât thlâk nîng an ta, thîng an tih; chun, a hmun thumna chu hla nîng an tih.

ZEKARIA 14:12

Chun, hihi Jerusalem dotu hnam po pohai Lalpain a hremna ding hri chu nîng a tih; an kehaia an ngîr zing laiin an taksa chu hung hmawn hmang a ta, an mithai chu an mitkhurhaia chun hung hmawn hmang a ta, an leihai khawm chu an bauah hung hmawn hmang a tih.

ZEKARIA 14:2

Jerusalem chu do dingin hnam po po chu ka kei khâwm ding a ni si a; khawpui chu lâk nîng a ta, inhai chu kâpkhumin um an ta, nuhmeihai chu ṭhuoi hmangin um an ta, chun, a khawpui chenve zet chu salah fêng an ta, mi la um sunhai ruok chu khawpuia inthawka sât thlâk ni naw ni hai.

ZEKARIA 5:3

Chun, ka kuoma chun, “Hi hi ṭawngsie ram pumpui chunga fe suok hlak chu a nih, tukhawm inru taphawt chu phêk khingkhata ziek anga pei thlâk nîng a ta, tukhawm inkhâm taphawt chu phêk khingtienga ziek anga pei thlâk a ni ding a ni si a,” a ta.

MATTHAI 22:7

Chuongchun, lal chu a lunginsen ta a; a sipaihai a tir a, chuong tuolthathai chu a sukbo a, an khuo khawm a rawpêk ta a.

MARKA 11:21

Chuongchun, Peterin a hriet suok nâwk a, a kuomah, “Rabbi en ta, theichang kûng ṭawngsie în phur kha a lo thêm vawng tah,” a ta.

LUKA 1:76

Anih, Bawipu, nang hi Achunghnungtak zâwlnei tîng an ti che. A lampuihai siem dingin Lalpa hmaah i fe ding a ni si a;

HEBRAIHAI 6:8

Amiruokchu, hlohlingnei le buorhai ân suo chun mâkin a hung um a, ṭawngsephur hielin a um hlak a, a tâwpa chun raw a tuok hlak.

THUPUONGSUO 19:15

Chun, a baua inthawkin kâwlhnâm ngeitak a suok a, chu chu hnam tin a sâtna ding a nih; chun, thîr hmawlin an ro rêl a ta; Pathien Iengkimthawthei lunginsen nasatna grêp sâwrna khura chun sir sâwr a tih.

THUPUONGSUO 22:3

Chun, ṭawngsie hrim um nâwk ta naw ni a, Pathien le Berâmte lalṭhungpha chu um lem tâng a tih; chuongchun, a suokhai chun a rawng bâwl an ta,