MALAKI 4:5 - Pathien Lekhabu Inthieng (BSI)

⁵ Ngai ta u, Lalpa hungna ni ṭium- tak le nasatak hma ngei chun zâwlnei Elija chu hung tirpêk ka ti cheu.

MALAKI 4:5 ပူးပေါင်းရင်းမြစ်များ

ISAI 40:3

Mi khêk râwl chun, “Thlalêrah Lalpa lampui buotsai unla, ram ṭâwla chun ei Pathien ta dingin lamlien sukruol ro.

JOEL 2:31

Nisa inthimin inchang a ta, thla chu thisenah inchang a ta, Lalpa ni ropuitak le râpthlâktak chu a hung tlung hma chun.

ZEPHANIA 1:14

Lalpa ni ropuitak chu a hnai ta a, Lalpa ni ri ngei chu a hnai ta a, a tlung ṭêp ân tah; chu huna chun mi thilthawtheitak chu rinumtitakin a khêk a nih.

MALAKI 3:1

“Ngai ta u, ka tirko chu ka tir a, ama chun ka hmaah lampui chu buotsai a tih: chun, Lalpa in izawng chu, a biekina chun hung nghâl a tih; chun, thuthlung tirko in ilâwm zâwng chu, ngai ta u, a hung ie,” sipaihai Lalpa chun a tih.

MALAKI 4:1

Sipaihai Lalpa chun a tih, “Ngai ta u, ni chu a hung tlung a, rawtuina thuk angin a chawk si a; chapotaka thawtuhai po po le, khawhlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr lovin.

LUKA 1:17

Chun, pahai lungril chu nauhai tienga innghattir ding dâm, mi kâwmawhai chu mi feltak varna tienga innghattir ding dâm, Lalpa ta dinga mihai lo buotsai dingin Elija lungril le thilthawtheina putin Lalpa hmaah fêng a tih,” a ta.

LUKA 9:30

Chun, ngai ta, mi pahni ama leh an inbiek a, chuhai chu Mosie le Elija an nih;

JOHAN 1:21

Chun, anni chun a kuomah, “Tû am i ni leh? Elija i ni?” an ta, an indawn a. Ama chun, “Ka ni nawh,” a ta. “Zâwlnei kha i ni?” an ta, ama chun, “Ni lo e,” a ta, a dawn a.

JOHAN 1:25

Anni chun a kuomah, “Krista bêk, Elija bêk, zâwlnei amani bêk i ni si naw chun, iengdinga i baptis hlak am a na?” an ta, an indawn a.

THUPUONGSUO 6:17

an lunginsenna ni ropuitak chu a hung tlung ta hi; chuongchun, tu am ngîr thei an ta?” an ti a.