MALAKI 4:3 - Pathien Lekhabu Inthieng (BSI)

³ Chun, mi khawhlo chu sirde tâng in ta; ni ka isiem ngei ding nia chun in kepha hnuoia chun pilvut ang el an ni ta ding a ni si a, sipaihai Lalpa chun a tih.

MALAKI 4:3 ပူးပေါင်းရင်းမြစ်များ

INṬANNA 3:15

nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.

2 SAMUEL 22:39

An tho nâwk thei nawna dingin ka sukbohmang dêr a, ka sât fik a; Anih, ka ke hnuoiah an tlu ta a.

2 SAMUEL 22:43

Chu phingle chun hnuoia pilvut ang elin ka vuok phit a, Khawlai chirhak ang elin ka sukhmât a, ka sukdar ta a.

JOB LEKHABU (THE BOOK OF JOB) 40:12

Mi a chapo taphawt chu en la, siehnuoi rawh; Chun, mi rilo chu an ngîrnaa chun sir thlu rawh.

INPÂKNA HLABU 147:6

Lalpa chun thuhnuoirawlhai chu a chel zing a, Mi rilohai chu hnuoiah a pei thlâk hlak.

INPÂKNA HLABU 49:14

Berâm ruol angin Seol ta dinga ruot an na, Thina chu an vêngtu ning a ta, Zîngtieng chun mi indiktakhaiin an chungah thu nei an ta, An umna hrim hrim a um nawna dingin, an mawina chu Seol suksiet ding nîng a tih.

INPÂKNA HLABU 91:13

Sakeibaknei le rûl chu sir dêng i ta, Sakeibaknei vânglai le rûlriel chu sir hriel neng i tih.

ISAI 25:10

Hi tlânga hin Lalpa kut chu innghat a ta. Moab chu, bupâwl chu êkthlia sirdea a um hlak ang hin, ama hmunah sirdein a um ding a ni si a.

ISAI 26:6

Ke chun sirdêng a ta, rimsihai ke le pasiehai kalchawi ngei chun.

ṬAP HLA 1:15

Keimaa ka mi hrâthai po po chu Lalpa chun iengkhawm loah a siem a, Ka tlangvâlhai sukse dingin ka chungah pungkhâwmhai a ko a; Juda nau nunghâk inthieng chu Lalpa chun uoin sâwrnaa angin a chîl a.

EZEKIEL 28:18

I sumdâwngnaa fel nâwnaa suolna tam leiin, I hmun inthienghai chu i lo sukpawrche ta a; Chuleiin, i sûnga inthawk mei ka hung lâk suok a, A kâng hmang che a, hnuoia pilvutah kân changtir che a, Nangma entuhai po po che mithmua chun,

DANIEL 7:18

Nisienlakhawm, Achunghnungtak mi inthienghai chun ram chu chang an ta, chatuon, chatuon chenin ram chu nei an tih,’ tiin.

DANIEL 7:27

Chun, vânhnuoia ram le lalram le ram ropuinahai chu Achunghnungtak mi inthienghai hnam kuoma chun pêk nîng a ta, ama ram chu chatuon ram a na, ram po pohai chun a rawng bâwl an ta, ama thu awi an tih,’ tiin.

MIKA 5:8

Jakob mi hlâbîkhai chu hnamhai laia le chi tamtakhai laia chun ramhnuoi sahai laia sakeibaknei ang le berâm ruol laia sakeibaknei vânglai angin um a tih; ama chun a fe thleng phawt chun, a sirde a, a keinâwi a, santu ding khawm tukhawm an um nawh.

MIKA 7:10

Chuongchun, ka hmêlma ka kuoma, “Khâwlai am Lalpa i Pathien?” titu chun hmûng a ta, muolphonain ama chu inkhum a tih. Ka mithai hin ama chu en a ta; tuhin chu kawthlêr chirhak anga sirde ni tâng a tih.

ZEKARIA 10:5

Chun, indona chun an hmêlmahai chu kawtthlêra chirhak chîl anga chîlin mi thilthawtheitakhai hung nîng an ta, Lalpa chu an kuomah a um zing leiin, anni chu do an tih; chun, sakawr chunga chuong mihai khawm chu sukhamhaiin um an tih.

MALAKI 3:17

Sipaihai Lalpa chun, “Anni chu ka tahai nîng an ta, ro mak bîktak ka siemna nia ngei chun; chun, miin a naupa ama rawngbâwltu chu a hla hlak angin anni chu hlâng ka tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:20

Chun, Remna Pathien chun, in kepha hnuoiah um dingin Setan chu hung suknawi vak a tih. Lalpa Isu Krista lunginsietna chu in kuomah um raw se.

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl ta a.

THUPUONGSUO 14:20

Chun, khaw puo tienga grêp sâwrna khura chun a sir sâwr a, chuongchun, grêp sâwrna khura inthawk chun thisen a hung suok a, fîng sâng khat le za ruk chen sakawrhai thîrbar chena inthûk a nih.