MALAKI 3:8 - Pathien Lekhabu Inthieng (BSI)

⁸ Mihriemin Pathien chu ân rûkpêk ding am a nih? Nangni chun in mi lân rûkpêk rawp el hi. Nisienlakhawm, nangni chun, ‘Ieng âm kan inrûkpêk che a?’ in ta. Sâwma pakhat pêkhaia le thilinhlânhaia hin a nih.

MALAKI 3:8 ပူးပေါင်းရင်းမြစ်များ

INPÂKNA HLABU 29:2

Lalpa kuomah a hming ropuina chu pe unla, Inthieng mawina inbelin Lalpa chu chibai bûk ro,

THUVARHAI 11:24

Semdar raka pung deu deu si a um a, Mamaw tâwk bâk inro tlata tlasam si a um bawk a.

ISAI 43:23

Pumrawhmanga in thilinhlân ran chînhai chu in mi hung pêk ngai naw a, in inthâwina tieng chun in mi chawimawi ngai bawk nawh. Thil inhlânin rawng kân bâwltir ngai naw cheu a, berawin ka suksâwl ngai bawk naw cheu a.

LEVI DÂN 19:25

A kum nga kum ruok chun, in ta dinga a pung pei theina dingin a ra chu in fâk ding a nih: Kei Lalpa in Pathien chu ka nih.

ZEKARIA 5:3

Chun, ka kuoma chun, “Hi hi ṭawngsie ram pumpui chunga fe suok hlak chu a nih, tukhawm inru taphawt chu phêk khingkhata ziek anga pei thlâk nîng a ta, tukhawm inkhâm taphawt chu phêk khingtienga ziek anga pei thlâk a ni ding a ni si a,” a ta.

MALAKI 1:13

Chun, ‘Ngai ta u, nghawk a va um ngei de!’ in ta, in hnâr in hnâwtkhum a, sipaihai Lalpa chun a tih. Chun, pâwngnêka lâk chu in hung lâk a, a kebai ruol, a damnaw ruol leh; chuong ang chun thilinhlân chu in hung lâk a na, hi in kut thilthaw hi ka pawmpêk ding cheu am a nih? sipaihai Lalpa chun a tih.

MALAKI 1:8

Inthâwina dinga a mitdel in inhlân khan, suol a ni naw am a ni? A damnaw le a kebai in inhlân khan, suol a ni naw am a ni? In rorêltu kuomah va pe hrim ta u, a lo lâwm hrim cheu am? Annawleh, in mi nina chu a lo pawm ding am a nih? sipaihai Lalpa chun a tih.

MATTHAI 22:21

Chun, ama chun an kuomah, “A ni sa chun, Kaisar thilhai chu Kaisar kuomah pe unla, Pathien thilhai chu Pathien kuomah pe ta unla,” a ta.

MARKA 12:17

Chuongchun, Isûn an kuomah, “Kaisar thilhai chu Kaisar kuomah pe unla, Pathien thilhai chu Pathien kuomah pe ta unla,” a ta. Chuongchun, mak an ti bêk bêk a.

LUKA 20:25

Chun, ama chun an kuomah, “Kaisar thilhai chu Kaisar kuomah pe unla, Pathien thilhai chu Pathien kuomah pe ta unla,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:7

Mi po po kuomah pêk ding taphawt chu pe ro; leiman pêkna ding kuoma chun leiman pe unla, sie chawina ding kuoma chun sie chawi unla, ṭi ding chu ṭi unla, inza ding chu inza ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:22

Nang inru lo dinga mi dang hriltu, nangin în rûk hlak maw? Nang uire lo dinga mi dang hriltu, nang i uire maw? Nang milim theidatu, nangin milim biekna ina thilhai chu în rûk hlak maw?

JOSUA 7:11

Israelhai hin thil an suksuol a nih; ka thuthlung pawm dinga ka pêk kha an bawsiet a ni hi; thil pumpêk laia ṭhenkhat an lâk bawk a nih; an inrûk a, an ip bawk a, an thuomhnaw lai ngei an thuphmang a nih.